影片
更多
2009-09-14
39 瀏覽
好友廢柴小登科在即, 師傅同埋一班好友, 當然乘機玩番晚, 顛番晚啦, 但係玩之前當然要醫飽個肚啦, 咁講到食喇喎, 當然唔少得師傅嗰份啦! 師傅左諗右諗, 最後決定揀呢一間幾出名而大家又冇試過嘅食店啦!上黎呢度參考下啦, 見到網頁講話唔可以訂枱, 師傅就有少少失望, 但又唔係好甘心, 於是又膽粗粗打去問下, 點知又可以訂位喎, 於是咪留番張枱囉, 穩陣d嘛! 早少少去到食店, 等下當然係必要架啦, 皆因呢間食店咁出名, 所以有好多人等緊位架!一行八人, 坐底後就睇下有咩好食同大家有咩想食! 正當落單嘅時候發覺好多菜式都冇左, 好似爽魚皮, 生蠔等等, 其實當時只不過係晚上八點半, 坦白講真係有少少失望; 不過冇辦法唯有柯打其他野食啦, 最後揀左例湯, 金沙軟殼蟹, 香醋伴青瓜, 椒鹽蝦, 紫羅咕嚕肉, 招牌抄豬雜, 蔡灡咸魚醬蒸肉餅, 口水雞, 鮮魚湯浸油墨菜同埋粉絲雜菜煲!等左一陣, 食物陸陸續續咁登場, 於是亦第一時間柯打番一桶豬油飯! 既然咁多好野食, 咁師傅首先講下個例湯, 例湯係合掌瓜煲豬(月展), 個湯煲得夠火喉, 湯料亦夠足, 味道不錯加上絕冇味精, 非常可口, 喺開餐
上黎呢度參考下啦, 見到網頁講話唔可以訂枱, 師傅就有少少失望, 但又唔係好甘心, 於是又膽粗粗打去問下, 點知又可以訂位喎, 於是咪留番張枱囉, 穩陣d嘛! 早少少去到食店, 等下當然係必要架啦, 皆因呢間食店咁出名, 所以有好多人等緊位架!
一行八人, 坐底後就睇下有咩好食同大家有咩想食! 正當落單嘅時候發覺好多菜式都冇左, 好似爽魚皮, 生蠔等等, 其實當時只不過係晚上八點半, 坦白講真係有少少失望; 不過冇辦法唯有柯打其他野食啦, 最後揀左例湯, 金沙軟殼蟹, 香醋伴青瓜, 椒鹽蝦, 紫羅咕嚕肉, 招牌抄豬雜, 蔡灡咸魚醬蒸肉餅, 口水雞, 鮮魚湯浸油墨菜同埋粉絲雜菜煲!
等左一陣, 食物陸陸續續咁登場, 於是亦第一時間柯打番一桶豬油飯! 既然咁多好野食, 咁師傅首先講下個例湯, 例湯係合掌瓜煲豬(月展), 個湯煲得夠火喉, 湯料亦夠足, 味道不錯加上絕冇味精, 非常可口, 喺開餐前飲一碗濃濃嘅熱湯, 確實不錯; 金沙軟殼蟹, 香醋伴青瓜同椒鹽蝦師傅都冇試到, 皆因金沙軟殼蟹係油炸, 師傅為左身子好, 所以寧願吃少一些; 不過聽到封筆食家"今餐食乜好"同其他友人都讚, 主要係軟殼蟹炸得夠香脆, 而且一d都唔油膩, 所以好味; 而香醋伴青瓜師傅就咁啱唔想食, 所以都冇試到; 椒鹽蝦冇試到嘅最主要原因係懶, 唔知師傅幾時可以搵到一個人肯幫師傅去下蝦殼呢? 不過睇個賣相唔差, 蒜香份量都幾多, 但師傅聽到車匙姐姐話d蝦唔得, 因為d肉地好實喎!
而紫羅咕嚕肉嘅味道酸酸甜甜, 絕對冇一般酒樓嗰種好強嘅醋酸味, 所以開胃非常, 加上咕嚕肉鬆化, 絕對唔會一入口就成口油, 非常唔錯; 至於招牌抄豬雜真係惹味到不得了, 師傅真係唔知點解咁正, 講唔到好味喺邊, 淨係知道好好食, 而豬雜包括左豬肝, 豬大腸, 豬肚, 豬粉腸等, 樣樣都有得食, 真係不錯; 蔡灡咸魚醬蒸肉餅味道相當搶口, 咸魚醬非常特別, 除左咸之外仲幾鬼香, 肉餅鬆軟絕對冇蒸到過火, 送飯真係一流, 正呀!
而口水雞相信係成晚大家對佢最多意見, 先講雞肉, 肉身唔算特別滑, 而且亦唔夠辣, 但師傅最唔明點解佢要喺隻雞面上加左d類似沙爹醬嘅物體, 賣相唔好之餘亦唔算好味, 呢道菜黎講算係敗筆; 至於鮮魚湯浸油墨菜真係不錯, 魚湯夠清甜, 油墨菜夠嫩綠鮮甜, 非常好味, 相信師傅成晚食得最多就係呢道菜; 粉絲雜菜煲就有好多粉絲, 而且雜菜夠腍, 確實不錯; 最後要講嘅係豬油飯, 豬油撈飯係比d豬油同老抽你自己撈, 真係豐儉尤人, 撈勻後就食得, 豬油好香好滑, 基本上係可以食到停唔到口, 勁正!
總括黎講食物質素出色, 服務態度都可以, 環境光猛座位都算合格舒服, 價錢就相當相宜, 八個人埋單每人都係八十元正, 著實非常抵食! 師傅覺得呢間食店真係好食加抵食, 但d野食就唔算太健康, 皆因唔豬油就係內臟, 但偶然一餐亦不為過! 結論係可口食物通常都不太健康, 而笑臉係要比, 如果身體狀況許可嘅話一定仲有下次!
張貼
