養心殿台式養生鍋 (已搬遷) 新店位置

有一日問朋友 : 「邊個地方嘅人最鐘意打邊爐？」雖然我無model answer，不過我幾認同佢嘅答案 「台灣吧？」的確整個台灣到處都係火鍋店，出名嘅一定係麻辣燙鍋，人類總尋求舌尖刺激。但唔好忘記仲有好多都係以養生湯底做賣點，先至係台灣的特式鍋。今晚一行四人小聚，就試下已有幾家分店嘅養心殿台式養生火鍋，全店充滿中式格調，到處都以屏風做間隔，開放式得黎有私隱感，又有特色，非常滿意呢個格局！要先點鍋底，否則配料都到齊，鍋底後上呢~由於要食菜，所以一定要鴛鴦鍋，一邊麻辣一邊酸菜白肉鍋好在有點酸菜白肉湯底，因為我地一致認為比麻辣燙出色！酸菜白肉湯底除左味道之外，仲有個好處，就係裏面有好多白肉片及QQ寬粉，基本上可以話叫少兩個餸！不過，麻辣燙都有跟埋鴨血亦有蜂巢豆腐，食湯底都飽火鍋配料方面，我地無點海鮮及牛肉，反而想攻手工丸，因為有六款咁多！索性點個手工丸併盤，有齊所有特色手工丸，當中我最鐘意芝心牛丸(好match)、梅菜豬肉丸(好似食緊肉餅) 、黑松露蝦丸 (好香)仲有野生竹笙亦係心頭好之一，野生的特別粗壯，沒那麼易散及有口感！非常爽口！黑毛豬梅花肉，中間一層脂肪，肉片爽口之飲更多一份油香味，