酒鍋 (天文臺道) (已結業)

今日係我個超好超好超好(真係好好, 所以要講三次)朋友仔生日，當然要搵間特別得嚟又好食嘅餐廳。上網搵搵見到 “酒鍋”。尖沙咀/銅鑼灣都有。我地最後揀咗尖沙咀。到餐廳後見到環境唔錯，坐位舒適。職員有禮。再睇睇餐牌。先揀火鍋底。職員介紹咗一個可以比你創作畫畫嘅火鍋 “我們都是藝術家”個名好特別。問問職員究竟係乜家火。原來係一個鋪滿鮮忌廉（有成尺厚）忌廉下面係一個蕃茄海鮮鍋。加上一碟裝飾配料及4枝 “畫筆”（都係用忌廉做的）忌廉上可自己創作一幅美麗嘅畫面。適逢朋友仔生日，當然要晝一個“生日蛋糕”啦！大家認為靚唔靚呀！玩完又影完相，職員會幫我地撥走成尺厚嘅忌廉。滾起之後就可以烚嘢食。係等緊水滾嘅時候，當然叫個麻辣大花膠$138。補補骨膠原。花膠厚肉，又夠彈牙。而且麻辣味極香濃。有牙菜墊底。吸晒麻辣味。正呀！食完個麻辣汁用嚟做醬汁。一流。直得推介。火鍋料頂級安格斯牛頸脊（小）$188將牛肉掛係一個架上，好似晒衫咁，一排過。好整齊。牛肉薄薄又好有牛肉味麻婆豆腐餃$88一碟有6隻，咬開真係有豆腐的。好特別呀!手作酒鍋熊$88樣子可愛，有三隻熊仔。而且有一朶靚靚紅色花拌碟。原來熊仔係一粒墨魚丸。好彈牙