影片
更多
2024-05-08
37 瀏覽
同👦🏻細細去搵食，唯一佢一定唔會say no就係Burger🍔。美麗華BurgerRoom位置都幾唔起眼，所以一直都冇為意冇食過。星期六1點前入到去勁少人，兩大一細叫咗個set再加一個Burger。🍔菠蘿煙肉牛肉漢堡Set跟薯條同菠蘿冰茶，👦🏻係🍍菠蘿控，我其實都幾鍾意Burger有菠蘿，呢個菠蘿片係有煎過兩面，我估係想提升菠蘿嘅甜味；另外入邊仲有🥓煙肉、漢堡牛肉、🍅蕃茄同🥬生菜，有啲奇怪係冇芝士，個醬橙橙地色似係千島醬，Menu就寫係Homemade sauce。麵包烤得外脆內軟好好味，漢堡牛肉咬開微微粉紅色，似有8成熟，食落口好Juicy，醬汁味道冇咩特別之處，但成個Burger整體係好味，三款蔬果完美平衡咗煙肉同漢堡牛肉嘅油膩，即使冇芝士都唔覺得爭咗嘢，如果有埋芝士溶溶哋喺入面就perfect喇！薯條🍟新鮮炸起熱辣辣，不過我覺得主打係Burger嘅餐廳，薯條好食係基本，否則個Burger幾好食都冇用🙃。唔同口味嘅冰茶同汽水唔需要額外加錢👍🏼。菠蘿大烤菇漢堡🥬除咗菠蘿同大烤菇，仲有生菜、番茄、牛油果醬同新鮮番茄醬。烤菇好厚肉多汁，好多牛油果醬，相對地新鮮番茄醬係比較少，食落亦比牛油
唯一佢一定唔會say no就係Burger🍔。
美麗華BurgerRoom位置都幾唔起眼，
所以一直都冇為意冇食過。
星期六1點前入到去勁少人，
兩大一細叫咗個set再加一個Burger。
🍔菠蘿煙肉牛肉漢堡Set
跟薯條同菠蘿冰茶，👦🏻係🍍菠蘿控，
我其實都幾鍾意Burger有菠蘿，
呢個菠蘿片係有煎過兩面，
我估係想提升菠蘿嘅甜味；
另外入邊仲有🥓煙肉、漢堡牛肉、
🍅蕃茄同🥬生菜，有啲奇怪係冇芝士，
個醬橙橙地色似係千島醬，
Menu就寫係Homemade sauce。
麵包烤得外脆內軟好好味，
漢堡牛肉咬開微微粉紅色，
似有8成熟，食落口好Juicy，
醬汁味道冇咩特別之處，
但成個Burger整體係好味，
三款蔬果完美平衡咗煙肉同漢堡牛肉嘅油膩，
即使冇芝士都唔覺得爭咗嘢，
如果有埋芝士溶溶哋喺入面就perfect喇！
薯條🍟新鮮炸起熱辣辣，
不過我覺得主打係Burger嘅餐廳，
薯條好食係基本，
否則個Burger幾好食都冇用🙃。
唔同口味嘅冰茶同汽水唔需要額外加錢👍🏼。
菠蘿大烤菇漢堡🥬除咗菠蘿同大烤菇，
仲有生菜、番茄、牛油果醬同新鮮番茄醬。
烤菇好厚肉多汁，好多牛油果醬，
相對地新鮮番茄醬係比較少，
食落亦比牛油果醬嘅味道蓋過晒。
因為係素漢堡，冇肉之下係清新好多，
我同👦🏻就比較鍾意有漢堡牛肉，
因為口感同味道層次都豐富好多😋👍🏼。
張貼
