樂天皇朝 (雅蘭中心)

營業中

休息中

想打卡又想食小籠包，梗係去樂天王朝食佢啲嘅招牌八色小籠包啦～ 晚市黎到，大部分座位已經滿座，好彩仍然唔使排隊～八色小籠包一籠有八款唔同嘅獨特口味，岩晒心大心細、想試晒咁多款嘅朋友～ 每款小籠包都皮薄餡靚，個皮夠彈性，一咬下就爆晒鮮味嘅湯汁出嚟～😋 其中我哋最鍾意嘅係原味、蟹粉、黑松露，原味係經典不敗嘅好味道，蟹粉就有蟹嘅鮮味，黑松露味就同豬肉都幾夾～肉絲年糕豬骨湯嘅年糕煮得好滑，豬滑湯底幾清，仲有好多菜，索晒湯好入味～上海烤麩係我其中一款最愛嘅上海菜，呢碟烤麩好足料，落咗好多金針、雲耳、冬菇同荀片一齊煮，餸飯一流！蔥油餅外層酥脆，入面內餡好多香蔥，十分香口～