熊本燒肉

營業中

休息中

今次去咗間超正嘅放題店，可以同時打邊爐+燒肉，仲要唔使加錢任食澳洲和牛！😍🥩燒肉篇 牛舌芯超驚艷！重點推介牛舌芯，燒到微微焦香，咬落爽脆又多汁，完全冇羶味，encore咗3轉！🤯 仲有澳洲和牛板鍵同保樂肩，油脂分布均勻，燒完入口即溶，牛香爆棚～最驚喜係有牛栢葉，燒到脆卜卜，點少少辣粉，正到癲！🔥🍲火鍋篇：雙湯底超抵食湯底可以揀2款，今次試咗柚子鹽湯同壽喜燒，湯底清澈帶淡淡柚子香，壽喜燒甜度剛好！壽喜燒淥肉 ，柚子鹽淥蔬菜就岩岩好啦～ 🍦甜品+服務：勁chill！食到飽飽，仲有得燒棉花糖！玩到好似campfire咁，燒到外脆內流心，夾餅乾食超邪惡～🍡 雪糕櫃仲有勁多選擇，由Häagen-Dazs到本地品牌都有！🍨服務方面，店員收碟超快手，又主動加湯換板，態度友善，完全冇hea做，抵讚！💯