近又吉列黑豚專賣店 (已結業)

睇完戲見到呢間好似係新開就走嚟試吓.吉烈豚肉拼蠔----件豚肉好明顯上粉上得唔靚,一夾起已開始甩皮!肉質一般咬落有少少筋,算可以接受.蠔就真係麻麻喇!細隻同好啖口同井吉無得比！吉烈千層豚肉黑椒味----有淡淡黑椒味感覺無咁單調.胡麻野菌荳腐沙律----炸過嘅荳腐粒粒同野菌估唔到又幾好味喎！吉烈和牛漢堡扒----最好食呢個!牛肉打得好淋同咬落感覺唔太油.白飯,椰菜任加,切絲或切角,有兩款汁一個係靑瓜一個係蘋果,蘋果好味Ｄ！跟餐個野菜豬肉湯都ok.待應細心有禮貌!慢慢講解各樣款式分別,抵讚！