超級多款式，睇到我花多眼亂！
性價比高，有啲款式仲幾創新特別！
溫馨提示：記得一定要訂位❣️
✨焦糖青蘋果鵝肝多士
鵝肝比想像大得多！口感嫩滑，脂香滿溢。配埋香甜爽脆嘅蘋果、烘得超香脆嘅法包、偶添鹹香嘅芝士粒，食落好滿足之餘，又唔會太油膩～
✨蒜香牛油酒煮蜆
好肥美的蜆肉配蒜香牛油煮，好香好野味！
✨蒜蓉燒日本廣島蠔（兩隻）
生蠔肥美肉嫩脹卜卜，超級多蒜蓉，蒜控愛了！
✨雞皮墨魚滑
雞皮釀入墨魚滑，脹卜卜。外脆內彈牙多汁，同時多左雞油香味，推介！
✨厚切鹽燒牛舌拖羅
最珍貴最肥美既部份！口感軟腍，有入口即溶感覺。
✨鹽燒和牛牛小排
油花分佈比較均勻，肉質相對柔軟。
✨鹽燒A4宮崎和牛
必叫鹽燒A4宮崎和牛！和牛充滿油脂香，入口即溶，好好食！
✨鹽燒鮮三黃雞腿肉
皮脆肉嫩，雞腿肉仲好香滑。
✨汁燒免治雞肉軟骨棒
肉汁軟腍帶點爽口，口感層次豐富。配橙黃色原粒蛋黃，沾上香濃既蛋漿食更滑口美味。
✨和牛棒（配松露一口飯）
推介呢個和牛棒松露飯🔥免治和牛棒加蛋黃汁已經夠香，再加埋松露味，真係食完一啖再想食多幾啖🥰
✨鰻魚炒飯
炒飯粒粒分明，鰻魚粒都幾多，炒得好有鑊氣。
✨即打芒果乳酸 和 士多啤梨乳酸
果香配乳酸，清香解渴。
