影片
更多
2017-11-13
309 瀏覽
海膽飯近日喺網絡上大熱，係IG見到有人推介呢一間岩鹽日本料理嘅海膽盛，睇相片真係覺得好吸引，仲要餐廳依家有優惠，頭10名嘅晚市顧客可以以半價＄134(原價＄268)享用一客海膽盛。今日晚上，同朋友一早就book咗位，六點前已經去到餐廳，發現冇想像中排隊嘅人龍， 首先要讚下餐廳嘅座位好寬敞，卡位坐得好舒服，好適合一家大細。六點三左右大概只有五台嘅客人，我哋當然成功可以order左一盒海膽盛。心歡喜等待海膽飯，賣相係好吸引，由馬糞海膽同加拿大海膽，仲有吞拿魚同埋三文魚籽組成。兩種海膽砌成一座小山丘，相當吸引。第一啖試食馬糞海膽，色澤橙黃色，都幾鮮甜。然後食下面嘅加拿大海膽，食完第一啖急不及待要吐出來，因為海膽泊有臭味，朋友唔太相信露出驚訝嘅神情，當佢放左一啖入口，即刻變樣，因為佢覺得啲海膽係苦嘅。同店員反映加拿大海膽好苦，但係店員就問我地啲海膽係咪帶有甘味，我哋兩個都異口同聲回答係苦痛臭。不過店員都冇正視呢個問題，就繼續招呼其他客人，亦都無同我地提出可以更換。總括嚟講間餐廳嘅裝修，宣傳手法都係做得非常好，食物價格已銅鑼灣地區來講，都唔算貴，但係食店最重要就係食物質素，呢餐飯係非常失望。亦都
今日晚上，同朋友一早就book咗位，六點前已經去到餐廳，發現冇想像中排隊嘅人龍， 首先要讚下餐廳嘅座位好寬敞，卡位坐得好舒服，好適合一家大細。六點三左右大概只有五台嘅客人，我哋當然成功可以order左一盒海膽盛。
心歡喜等待海膽飯，賣相係好吸引，由馬糞海膽同加拿大海膽，仲有吞拿魚同埋三文魚籽組成。兩種海膽砌成一座小山丘，相當吸引。第一啖試食馬糞海膽，色澤橙黃色，都幾鮮甜。然後食下面嘅加拿大海膽，食完第一啖急不及待要吐出來，因為海膽泊有臭味，朋友唔太相信露出驚訝嘅神情，當佢放左一啖入口，即刻變樣，因為佢覺得啲海膽係苦嘅。同店員反映加拿大海膽好苦，但係店員就問我地啲海膽係咪帶有甘味，我哋兩個都異口同聲回答係苦痛臭。不過店員都冇正視呢個問題，就繼續招呼其他客人，亦都無同我地提出可以更換。
總括嚟講間餐廳嘅裝修，宣傳手法都係做得非常好，食物價格已銅鑼灣地區來講，都唔算貴，但係食店最重要就係食物質素，呢餐飯係非常失望。亦都唔會推介朋友。
張貼
