影片
更多
2022-10-03
2192 瀏覽
環境不錯, 分到一張海景檯, 落地玻璃望全維港景, 不過代價是好熱, 冷氣明顯覆蓋不到, 不過如果夜晚或天涼的日子就沒有這個問題, 但檯同檯之間空間不足, 尤其是二人檯。坐低後侍應只給了一本Menu, 二人要輪住睇, 雖然張檯係細, 都唔至於掛。麵包籃係唔錯嘅, 麥香濃郁, 鬆軟但又不是空氣包那種空洞。Organic baby spinach salad用料新鮮, 蔬菜清甜可口, 符合這種級數餐廳應有的水準。出事位嚟啦, 叫咗杯Cocktail, 拎到嚟杯邊有條長嘅頭髮, 果陣係中午時分, 而且全間餐廳都係淡色調, 非常光猛, 如果咁都睇唔到照比客人, 明顯係唔細嘅失誤。 之後上homemade pappardelle, 個寬條麵質地唔錯, 彈性煙韌度恰到好處, 但個汁有點失望, 唔難食嘅, 只係味道毫不突出, 而且濃稠度把握得不好, 稍為放涼已經結膏, 影響食慾, 煙薰豬肉硬而不脆, 那種鹹香和帶有微弱蕃茄味的汁不太配, 這個浪費了個麵, 灣仔的Involtini Italian Cuisine絕對可以將佢完全比下去。之後的黑毛豬柳本來有期望, 外殼crispy, 放入口之前聞一聞g
麵包籃係唔錯嘅, 麥香濃郁, 鬆軟但又不是空氣包那種空洞。Organic baby spinach salad用料新鮮, 蔬菜清甜可口, 符合這種級數餐廳應有的水準。
出事位嚟啦, 叫咗杯Cocktail, 拎到嚟杯邊有條長嘅頭髮, 果陣係中午時分, 而且全間餐廳都係淡色調, 非常光猛, 如果咁都睇唔到照比客人, 明顯係唔細嘅失誤。 之後上homemade pappardelle, 個寬條麵質地唔錯, 彈性煙韌度恰到好處, 但個汁有點失望, 唔難食嘅, 只係味道毫不突出, 而且濃稠度把握得不好, 稍為放涼已經結膏, 影響食慾, 煙薰豬肉硬而不脆, 那種鹹香和帶有微弱蕃茄味的汁不太配, 這個浪費了個麵, 灣仔的Involtini Italian Cuisine絕對可以將佢完全比下去。之後的黑毛豬柳本來有期望, 外殼crispy, 放入口之前聞一聞grill香十足, 心諗有d功架喎, 入口都非常香脆, 但失望隨之而來, 直接d講就係冇味, 同韌, 質感就似煲完湯的瘦肉拿去grill, 將tenderloin整到咁都算高難度。最後朱古力心太軟算是水準之內, 冇驚喜也冇失望。
總括而言, 這間餐廳最無懈可擊的是個景, 食物賣相呈現也很符合打卡要求, 除咗份量偏少, 其實唔算難食, 如果係觀塘嘅樓上西餐出品, 絕對合格有餘，另外，好在入座前問咗，原來叫set係唔可以用餐券
張貼