Le Viet (已結業)

今日同屋企人出旺角睇醫生，中午食飯揾左呢間越南菜餐廳。餐廳係銀行中心2樓，不多人，好快有位。一路行入去，一路睇下隔離枱點乜。我地叫左無骨海南雞飯。D油飯有少少硬，小朋友有投訴。但雞就好滑，整體都合格。跟餐例湯味精有D重手，又好油。來到越南餐室，梗係叫個火車頭湯河。有牛肉，牛丸，牛腩同牛栢叶。最正係牛腩，好冧好有牛味。但牛栢叶好韌，扣10分。整體只有90分。菠蘿炒飯，酸酸甜甜，醒胃，小朋友至愛咖喱炒肉蟹，咖喱好香，肉蟹肉質亦好鮮甜。滿分。原想叫两個法包來食咖喱，點知佢話日日新鲜，不過今日未到貨。可惜！只好叫两件薄餅頂住先。飯後少不了一杯咖啡。來到越南餐廳，當然試下滴滴咖啡。咖啡入口苦苦地，跟住甘甘地，有層次的味道！整體而言，可以給予好評。但重要的細節住，有進步空間。還是OK吧。