番本日式放題 (已結業)

同朋友行完街就即興去食放題,就係附近搵到一間放題.坐低就發現尼間放題餐廳唔單止有刺身,熟食任食,而且有特別嘅menu.就係蒸氣火鍋.依家嘅蒸氣火鍋開始流行,但係並唔係間間放題餐廳都有提供,難得尼間有提供而且仲係主打,所以決定一試.但係要食蒸氣火鍋就要加多錢,本身嘅價錢並唔包括蒸氣火鍋喲.用蒸氣火鍋蒸出黎嘅熟食口味果然不一樣,連平時唔食帶子我都不禁試一口~第一次食蒸氣火鍋,感覺好似打邊爐一樣,不過蒸氣火鍋顧名思義就係用鍋中嘅蒸氣去焗熟食物,所以花嘅時間都比較多.而係等嘅期間當然要食番放題任食啦~~刺身當然唔少得啦,仲足足叫左兩round~另外值得一試就係芝士青口,滿滿嘅芝士佈滿係青口,趁熱騰騰嘅放進口中,確實滋味~~而且羊架同炸物都好好食,香口嘅炸物都好值得encall~~不過甜品嘅選擇都比較少而且限定每人只可以兩樣,所以都只係叫左幾樣款式一~