影片
更多
2019-07-14
45 瀏覽
上司請食team dinner，帶咗我地去The Hennessy食omakase。人頭計$980嘅omakase食到我地捧住個肚走，一team三人食到好飽。呢度嘅omakase有別於一般傳統，創意料理居多，真係道道菜都有驚喜！一坐低就有日本茶、櫻花茶同蘋果酒慢慢飲。櫻花茶好香，味道好特別，由頭飲到尾，反而蘋果酒好淡味。前菜係煙燻溏心蛋同鴨胸。煙燻味好香，色香味俱全。刺身就係牛油果醬切粒魚生，魚生係三文魚、油甘魚同章目魚。個醬加咗蜜糖芥末，幾特別，冇諗過可以撈魚生食。吸物有三種：牛骨湯、南瓜饅頭同石鍋清酒銀鱈魚。牛骨湯好創新，好似做實驗咁煮。好甜好清新嘅牛骨味，飲完好舒服。南瓜饅頭係甜食，個餡係南瓜蓉好特別。最後個銀鱈魚放咗喺個石鍋度滾，熱辣辣。冷物有天婦羅同報紙雞。天婦羅蝦有四式，黑松露、腐皮、米通、原味蝦。食咗米通蝦，比較淡味。中場有柚子沙冰清味蕾。壽司唔係傳統嘅新鮮魚壽司，係師傅諗過度過嘅特色卷物。首先有紙壽司，豆腐做紙，有牡丹蝦同帶子蓉。之後係三文魚包菜壽司、鍋巴鵝肝壽司、蟹膏蟹肉糯米同辣味吞拿魚薄脆。每一樣嘅味道都好獨特。最後甜品係焦糖多士配抹茶雪糕。由於我唔好甜野，呢個我就
人頭計$980嘅omakase食到我地捧住個肚走，一team三人食到好飽。呢度嘅omakase有別於一般傳統，創意料理居多，真係道道菜都有驚喜！
一坐低就有日本茶、櫻花茶同蘋果酒慢慢飲。櫻花茶好香，味道好特別，由頭飲到尾，反而蘋果酒好淡味。
前菜係煙燻溏心蛋同鴨胸。煙燻味好香，色香味俱全。
刺身就係牛油果醬切粒魚生，魚生係三文魚、油甘魚同章目魚。個醬加咗蜜糖芥末，幾特別，冇諗過可以撈魚生食。
吸物有三種：牛骨湯、南瓜饅頭同石鍋清酒銀鱈魚。牛骨湯好創新，好似做實驗咁煮。好甜好清新嘅牛骨味，飲完好舒服。南瓜饅頭係甜食，個餡係南瓜蓉好特別。最後個銀鱈魚放咗喺個石鍋度滾，熱辣辣。
冷物有天婦羅同報紙雞。天婦羅蝦有四式，黑松露、腐皮、米通、原味蝦。食咗米通蝦，比較淡味。
中場有柚子沙冰清味蕾。
壽司唔係傳統嘅新鮮魚壽司，係師傅諗過度過嘅特色卷物。首先有紙壽司，豆腐做紙，有牡丹蝦同帶子蓉。之後係三文魚包菜壽司、鍋巴鵝肝壽司、蟹膏蟹肉糯米同辣味吞拿魚薄脆。每一樣嘅味道都好獨特。
最後甜品係焦糖多士配抹茶雪糕。由於我唔好甜野，呢個我就skip咗。
多謝阿姐，我先有機會試啲另類omakase，幾特別嘅用餐經驗。
張貼
