榕記火焰雞煲私房菜 (已搬遷) 新店位置

經過朋友介紹，聽聞有一間私房菜有一種好特別嘅火鍋，可以睇到藍色嘅火焰，所以決心過嚟一事。定位唔算太難只要提早一日就可以，到當日會有人打電話嚟確定人數，而且會問你除咗最基本嘅雞煲，仲會唔會有其他海鮮需要加。話明係私房菜，所以地方都比較特別，但唔算難搵，位於元朗西鐵站附近。鋪頭位置比較少，所以我哋今日嚟到都只可以坐露天地方。因為我哋有四個人所以我點左大煲，入面嘅材料都好豐富，有一隻新鮮雞，有鮮牛肉有一啲蝦，有木耳，豬肝，仲有啲蟲草花點綴。之後待應會將一支白酒全部到晒落個煲，之後先擒蓋最重要嘅環節黎啦有火焰啦，咁樣係會將啲酒精揮發，之後會令到啲湯好好飲好甜美。食得啦我第一時間飲咗個湯先，好鮮味啊而且仲好補身。材料雖然好多，但係好似食極都唔夠，下次睇來都要叫夠兩個煲