影片
更多
2022-07-19
25 瀏覽
古今二已經有5間分店，近期聽到朋友不約而同提起呢間日本餐廳，卷物都幾OK， bookmark咗有機會就去試吓。荃新天地呢間分店開咗唔算耐，天橋之城四通八達幾就腳，就同朋友揀咗呢間。餐廳喺商場一樓轉角位，落少少眼力就搵到，店內有5張枱左右。唔想太侷促，又可以望下商場內園景，可以坐餐廳外面果3張枱。壽司、刺身、卷物、燒物選擇都唔少，最後叫咗2卷物、1燒物、1小食、1沙律、2飲品，食物上枱後發現份量都唔少，望落賣相仲唔錯添！➺➺彩虹卷$116個名叫「彩虹」係因為有呑拿魚片、三文魚片、牛油果包裹住飯卷，色彩好豐富，中間仲有蟹柳、黑芝，飯唔多、卷物結實又唔會硬，唔錯唔錯！➺➺金龍卷$98最驚喜係中心嘅炸蝦，脆到食落咯咯聲，食得出係即整，仲有芝士同醬汁調味，香口又有質感。2種卷物一齊放係石盤上枱，經過精心擺設，係賞心悅目嘅！➺➺古今日式煎餃$56煎得恰到好處，外皮煎到金黃色但無燶，食落脆脆哋，趁熱食食到肉香而且熱辣辣！➺➺櫻花蝦茄子燒$68燒茄子就食得多，但上面加咗櫻花蝦嘅真係未試過，燒過嘅茄子當然好香，上面仲淋咗大量微甜嘅日式醬汁，好juicy，燒過嘅櫻花蝦味道更加突出、更香濃！➺➺龍卷風沙律$
壽司、刺身、卷物、燒物選擇都唔少，最後叫咗2卷物、1燒物、1小食、1沙律、2飲品，食物上枱後發現份量都唔少，望落賣相仲唔錯添！
➺➺彩虹卷$116
個名叫「彩虹」係因為有呑拿魚片、三文魚片、牛油果包裹住飯卷，色彩好豐富，中間仲有蟹柳、黑芝，飯唔多、卷物結實又唔會硬，唔錯唔錯！
➺➺金龍卷$98
最驚喜係中心嘅炸蝦，脆到食落咯咯聲，食得出係即整，仲有芝士同醬汁調味，香口又有質感。2種卷物一齊放係石盤上枱，經過精心擺設，係賞心悅目嘅！
➺➺古今日式煎餃$56
煎得恰到好處，外皮煎到金黃色但無燶，食落脆脆哋，趁熱食食到肉香而且熱辣辣！
➺➺櫻花蝦茄子燒$68
燒茄子就食得多，但上面加咗櫻花蝦嘅真係未試過，燒過嘅茄子當然好香，上面仲淋咗大量微甜嘅日式醬汁，好juicy，燒過嘅櫻花蝦味道更加突出、更香濃！
➺➺龍卷風沙律$76
抵食之選，成個頭咁大碗！有蔬菜、海藻、蟹柳、脆片，開頭以為只係得少少醬汁喺上面，會唔夠味，後尾發現沙律醬墜咗喺底，撈匀食就夠曬味！
2款飲品無襯過咁叫，隻色靚到呢！非常夏日！
➺➺百香果益力多特飲$38
百香果同益力多都喺無得輸嘅味道，入面仲有百香果籽！
➺➺靜岡蜜瓜梳打$28
日本入口現成樽裝飲品，偏甜，好重蜜瓜味！
**加一服務收費
張貼
