順寧小館 (已結業)

呢間係朋友推介的私房中菜，要預先訂位同埋諗好食乜，經whatsapp落單，去到齊人師傅就會慢慢上菜。今次同屋企人一齊嚟食，可以叫多幾樣不同菜式，款款都好出色，屋企人都大讚好食下次要再嚟!!

1

一開始就嚟咗兩份小食先，椒鹽雞軟骨同墨魚九肚魚餅，新鮮炸出上碟，金黃香口而且調味適中，唔會過咸。

特別係墨魚九肚魚餅，食到一粒粒的墨魚粒、又有九肚魚滑溜的感覺，好得意的口感

脆皮鳳梨咕嚕肉 甜酸度控制得好好，兩者好平衡；而且唔會只得肥肉，肉味濃郁，係家中長者至愛，開胃之選

蒜蓉粉絲蒸元貝 蒸煮的時間控制得好好，生熟度剛好，加上香蒜粉絲，好惹味

梅菜蒸菜心 平時比較少食，因為蒸煮時間都好講功夫，但蒸得好就會食到菜心的鮮甜味，加上梅菜同少少椒絲，更加提升鮮味