影片
更多
2020-04-30
780 瀏覽
點講先好呢。。。本身好地地，頭盤沙律、湯、飲品全部ok，但去到主菜就發生左樣好無奈嘅事。話說咁啱係Easter Sunday同朋友去食，有做Easter special 嘅羊架。眼見普通餐牌上都有羊架而又一樣$368價錢、d配菜又無special吸引，所以就決定左要special。去到主菜黎到，三隻羊架、我顧住同朋友傾計就無為意，切開過就切開左一啖羊肉比我朋友試、然後食左一啖配菜，就發覺原來餐廳上錯左普通menu個羊架。去到哩個位我都有d唔會意思，但經朋友說服下同時覺得既然唔係我點嘅野就決定同侍應提一聲。侍應:”唉呀係喎”就問我洗唔洗換如是者，我:”既然我唔係叫哩樣咁可唔可以麻煩你換返我叫嘅野比我？”跟住侍應又出題:”咁但係我重新整一碟要20分鐘，你等唔等到？” (內心🤦🏿♀️)我:”ok，我可以等”侍應就收左我碟羊入廚房。然後，大概一分鐘之後，就有碟新嘅羊架送到面前。當刻我地都有d錯愕，諗住”唔係咁快手啊嘛？”認真check左遍，眼見面前有兩塊交差嘅羊架同special所講嘅配菜圍繞。。。好似無問題啊？點知，一揭開果兩隻交差羊架，下面竟然係一條羊骨同一件骨肉分離而且有食過痕跡嘅羊肉。
話說咁啱係Easter Sunday同朋友去食，有做Easter special 嘅羊架。眼見普通餐牌上都有羊架而又一樣$368價錢、d配菜又無special吸引，所以就決定左要special。去到主菜黎到，三隻羊架、我顧住同朋友傾計就無為意，切開過就切開左一啖羊肉比我朋友試、然後食左一啖配菜，就發覺原來餐廳上錯左普通menu個羊架。去到哩個位我都有d唔會意思，但經朋友說服下同時覺得既然唔係我點嘅野就決定同侍應提一聲。
侍應:”唉呀係喎”就問我洗唔洗換
如是者，我:”既然我唔係叫哩樣咁可唔可以麻煩你換返我叫嘅野比我？”
跟住侍應又出題:”咁但係我重新整一碟要20分鐘，你等唔等到？”
(內心🤦🏿♀️)我:”ok，我可以等”
侍應就收左我碟羊入廚房。
然後，大概一分鐘之後，就有碟新嘅羊架送到面前。當刻我地都有d錯愕，諗住”唔係咁快手啊嘛？”
認真check左遍，眼見面前有兩塊交差嘅羊架同special所講嘅配菜圍繞。。。好似無問題啊？
點知，一揭開果兩隻交差羊架，下面竟然係一條羊骨同一件骨肉分離而且有食過痕跡嘅羊肉。
。。。。。
好啦，睇到呢度如果你係精明嘅讀者，你都可能會覺得藏響下面呢舊羊肉同埋分開擺嘅一條羊骨應該就係前1分鐘我食緊嗰碟羊架嘅被切開果隻。我都其實真係好想相信嘅，但無奈係，餐廳侍應本身同我講會「重新整過」一碟，同埋要等20分鐘。但係事隔左1分鐘之後，「新」嗰一碟係好明顯有食過嘅痕跡，但皆因你收走左我隻碟，而我哋又響疫情嘅恐慌下，我冇辦法證明最底嗰件被收得咁埋嘅羊肉羊骨係咪就係頭先個隻。
坦白講，我都覺得有牽涉我個人觀感、潔癖問題。但係因為「重新整一碟需時20分鐘」同埋「突然間有一碟1分鐘整出嚟但骨肉分離嘅羊架」兩者之間落差太大，又無人事先問”重用求先果碟d肉得唔得?”，變相成件事就好似有碟新整嘅羊架但係俾人咬咗一啖。
件事即刻好核突。
老實講，我點知哩一條羊骨係屬誰？哩一舊羊肉又係咪求先果件？我無得認架喎🙈
對我黎講，如果有人事先同我講會重用羊架又好，或者直接掉咗嗰一隻羊架淨係用剩餘嗰兩隻又好，我都唔會介意。但你又唔出聲，又收埋有食過痕跡嗰一隻響底，又好明顯唔係重新做一碟，又收緊我$368————只可以講，一次過全部野加埋、但又無解釋，我真係接受唔到。
到最後我無食，直接同職員反映，萬一有下一次同類事發生其他人身上，希望佢哋唔好再咁樣上菜。
雖然佢態度好好，但哩位職員亦出題比我問我想點？🙃
(其實我可以點？)因為碟菜我始終係食左一啖，所以都同佢講話我理解如果佢要收我錢，但都照問有無可能可以取消。
到最後，都感謝佢係有幫我取消到呢一碟菜。
雖然兩位職員已經好盡力，我亦都有反省係我冇認真掃描睇好我碟菜，先會遲咗發現係上錯，但，
。
。
。
。
我以後唔會再去。
張貼