影片
更多
2020-07-26
321 瀏覽
呢排外賣抵左好多，今日發現王牌冰室外賣85折。下午茶又好抵食，唔怪得知咁多外賣單！叉燒蝦仁炒蛋飯（$64）呢個果然係皇牌，攞到番屋企都熱辣辣，個盒仲好別緻，有古董碗嘅設計，加上叉燒蛋幾隻字，好得意。叉燒、蝦仁、蛋嘅份量都好足。叉燒半肥瘦，甜甜地，蝦仁又大隻，好彈牙，啲蛋成1cm厚，真係兩個人share都做下午茶都得！瑞士髀撈公仔麵（$52）本身跟炒蛋同奶油多士。隻雞髀就略嫌較乾，啲公仔麵可能攞番屋企時間關係，較為濕較為軟。鹹牛炒蛋潛艇（$38）呢個都好吸引，蛋量好大，好香，配合碎牛，仲有好軟身嘅包，超快食曬。花生醬西多士（$38）呢個加糖漿之後真係邪惡到忍唔到，又係秒速KO左！花生醬甜中帶鹹，西多又吸滿牛油，不得了。飲品揀左凍奶茶、熱杏霜、阿華田、凍檸茶。
叉燒蝦仁炒蛋飯（$64）
呢個果然係皇牌，攞到番屋企都熱辣辣，個盒仲好別緻，有古董碗嘅設計，加上叉燒蛋幾隻字，好得意。
叉燒、蝦仁、蛋嘅份量都好足。
叉燒半肥瘦，甜甜地，蝦仁又大隻，好彈牙，啲蛋成1cm厚，真係兩個人share都做下午茶都得！
瑞士髀撈公仔麵（$52）
本身跟炒蛋同奶油多士。隻雞髀就略嫌較乾，啲公仔麵可能攞番屋企時間關係，較為濕較為軟。
鹹牛炒蛋潛艇（$38）
呢個都好吸引，蛋量好大，好香，配合碎牛，仲有好軟身嘅包，超快食曬。
花生醬西多士（$38）
呢個加糖漿之後真係邪惡到忍唔到，又係秒速KO左！花生醬甜中帶鹹，西多又吸滿牛油，不得了。
飲品揀左凍奶茶、熱杏霜、阿華田、凍檸茶。
張貼
