養心殿台式養生鍋 (已結業)

跟好姐妹2019年第一次食飯，就決定揀我倆最愛既台式火鍋店，好好大吃大喝一下。今次揀佐敦分店，方便大家搭車回家，而且又非常近地鐵站。佐敦分店店內空間濶落，而且有幾間小型2人房，好適合情侶們。先order 酸菜白肉鍋，湯底酸味香濃四溢，好吸引，湯底入面已經有酸菜白肉，蕃茄，薯粉等等，味道酸酸，非常開胃。如果叫呢款湯底會送多一碟酸菜白肉，之後可以加入湯底，保持酸味。霜降肉眼肥牛油脂分佈均勻，牛昧香濃，肉質鮮嫩。御選梅花豬肉質鮮嫩，入口軟綿鮮甜。即炸脆響鈴即口即炸，豆味突出，香濃脆口，吸引咗少少酸湯，更加滋味。鮮豆皮豆皮豆香味濃，入口滑溜溜。（半份）自家製極品水餃饀料蝦肉鮮味彈牙，木耳爽口，而且隻隻都好飽滿，材料十足。