岩鹽日本料理 (利舞臺廣場) (已結業)

收工同舊同事去銅鑼灣行街食飯, 近排天氣有啲熱胃口唔係咁好, 於是去咗利舞臺嘅岩鹽<蟹肉芝士天婦卷>岩鹽嘅釜飯最出名, 但係唔知大家知唔知道佢嘅壽司都幾唔錯㗎蟹肉芝士天婦卷顧名思義係一款炸過嘅壽司, 脆波波嘅外皮包裹住新鮮嘅蟹肉, 新奇有趣, 大人細路都啱食<三文魚牛油果米子卷>想食清新一啲, 但又唔想咁普通食沙律可以嗌三文魚牛油果米子卷透薄嘅米子卷皮包裹煮新鮮生菜、青瓜同三文魚, 再以三文魚子同沙律醬點綴, 食落好清新<壽司>如果有特別想食嘅壽司仲可以散嗌, 大食妹最鍾意甘甜嘅赤蝦壽司, 舊同事都對於油甘魚腩同三文魚腩情有獨鍾<金平牛旁絲>再叫多盤開胃嘅牛旁絲換下口味, 牛旁絲好脆好涼, 夏天食一流<串燒>串燒嘅款式都好多大食妹特別推介燒雞皮串同紫蘇豚肉腸串, 夠肥美<栗子銅鑼燒>唔知之後去邊食甜品, 於是就順便係岩鹽食份栗子銅鑼燒, 冰凍少凍無壓力