1988 (已結業)

最近同朋友傾計，發現而家好多工廈都有好多特色餐廳，於是就開始上網搵睇吓有咩好野食。上網搵到一間叫1988，睇個名以為係西餐廳，原來係食泰國菜，諗住好耐無食泰國小菜，就決定試吓。去到時間餐廳全間坐滿客，好彩慣性有訂位，等咗幾分鐘就有枱。同朋友商議咗一輪後，點咗泰式炸蝦餅、沙嗲串燒、燒稔肉、炒椰菜苗同埋脆脆雞翼。先上咗碟炒椰菜苗，其實係第一次食，感覺同普通椰菜味道分別不大，但就好新鮮，而且好有鑊氣嘅感覺。跟住黎個蝦餅，蝦餅是即炸，入口香脆彈牙，蝦膠要打得好才會有這樣的口感，值得一試。再黎個燒泰式蠟腸 - 燒稔肉，一向都鍾意食稔肉，但香港唔係間間泰國餐廳都會有，見到餐牌有嘅話一定會Order，今次亦不例外。呢到嘅稔肉同平時食開感覺有D唔同，肉質鬆軟少少（平時食開感覺好實，真係似蠟腸嘅感覺），而且食落感覺入面有D軟骨，豐富咗食落去嘅口感，再加埋辣椒同點埋泰式辣汁，送啤酒一流！到個串燒上枱，我唔鍾意食豬，朋友唔鍾意食雞，所以Order兩雞肉兩豬肉，肉就無咩特別，主角其實係個沙嗲汁，好香濃沙嗲味，Yummy！到最後上埋碟脆脆雞翼，外層好香脆，入面嘅雞肉好滑今餐叫多咗，每樣都有都食唔哂，平時食唔哂都