玄鮨 (已結業)

成日聽朋友講銅鑼灣好多日本菜，今日特登去呢間咪日本菜，環境一流，喺利苑附近，餐廳位置唔係好多，眼見師傅有三個。一坐低先睇下個Menu，價錢算中上午餐由$260至到$600都有，今次就豪一豪佢。我叫咗份刺身定食，加埋一大概$300 ，雖然俾咗呢個價錢，質素一定正，一上到枱，我哇左一聲，好似幅畫咁靚，我足足欣賞左3分鐘先至肯食！未食已經見到師傅嘅用心同埋藝術創意，怪唔之得連續四年都攞米之蓮啦，刺身絕對新鮮，尤其是拖羅，一塊已經$100 ，所以我話午餐價錢絕對超值，環境咁好服務又好質素仲要超班，一定要再黎！