影片
更多
2015-06-16
3244 瀏覽
星期六既新城市其實真係好難有位食野! 見呢間唔係太多人, 等左30分鐘就入座。入座前要揀左牛肉同湯底先, 咁我地就揀左$199貴啲既牛肉, 豬骨/壽喜燒湯底。其實等得耐太肚餓唔記得點影相, $199既牛肉好似比最平既$169要厚少少(之前食過一次$169), 食落口感還可以, 但太瘦了完全無肥肉, 淥耐左少少就變到好韌咬唔開。另外仲有豚肉, 同出面食過既牛陣/牛一差唔多, 無咩特別。醬汁方面其實都幾多選擇, 除左平時既汁仲有紫菜, 黑胡椒, 麻醬之類幾特別。但蔬菜方面就得好少選擇, 出左去幾次都無娃娃菜, 得菠菜, 仲有蘿蔔南瓜呢啲正路野~ 唔知點解會有芽菜同椰菜花咁奇怪...肉丸既話超級少, 好似得魚蛋, 但完全唔彈牙同無魚蛋味, 仲有個唔知係豬定牛既肉滑-_-..一放落啲湯度散開哂, 想食都無得食! 仲有一度以為佢係烏冬既魷魚@@但個魷魚孜係好韌, 食落好似漂白水味lol麵類就有粉絲, 烏冬同拉麵。粉絲煮左一陣就勁淋, 成pat野咁完全唔想食! 烏冬同拉麵就普通啦, 絕對唔係好食囉~呢個食食完之後影既湯底, 佢浸油真係嚇死你, 唔知仲以為食緊麻辣湯底! 我想講佢個湯加左幾次水都仲係
其實等得耐太肚餓唔記得點影相, $199既牛肉好似比最平既$169要厚少少(之前食過一次$169), 食落口感還可以, 但太瘦了完全無肥肉, 淥耐左少少就變到好韌咬唔開。另外仲有豚肉, 同出面食過既牛陣/牛一差唔多, 無咩特別。
醬汁方面其實都幾多選擇, 除左平時既汁仲有紫菜, 黑胡椒, 麻醬之類幾特別。但蔬菜方面就得好少選擇, 出左去幾次都無娃娃菜, 得菠菜, 仲有蘿蔔南瓜呢啲正路野~ 唔知點解會有芽菜同椰菜花咁奇怪...
肉丸既話超級少, 好似得魚蛋, 但完全唔彈牙同無魚蛋味, 仲有個唔知係豬定牛既肉滑-_-..一放落啲湯度散開哂, 想食都無得食! 仲有一度以為佢係烏冬既魷魚@@但個魷魚孜係好韌, 食落好似漂白水味lol
麵類就有粉絲, 烏冬同拉麵。粉絲煮左一陣就勁淋, 成pat野咁完全唔想食! 烏冬同拉麵就普通啦, 絕對唔係好食囉~
呢個食食完之後影既湯底, 佢浸油真係嚇死你, 唔知仲以為食緊麻辣湯底! 我想講佢個湯加左幾次水都仲係超級咸, 佢到底係落左幾多味精?
仲有樣不愉快事件發生! 隔離枱食完走左, 有個waiter黎執枱, 但佢倒瀉左杯可樂。佢明知倒瀉左但完全無理佢, 咁我見無整到我咁我都唔理啦, 點知埋單走先見到我地下袋衫俾佢整濕哂!!件衫係新買仲好貴/.\ 返到屋企洗都洗唔甩著唔返 另外未夠鐘就叫人埋單其實我都理解, 但佢埋單埋左勁耐都唔返, 之後有個人走黎催我地走, 心諗你咩態度? 仲有我地明明兩個人食, 埋單時佢收左我3個人既錢, 好彩朋友望一望張單!對呢間野食物, 價錢, 服務完全係一個字:差! 以後唔會再黎!
張貼
