Burgeroom (美麗華廣場1期) (已結業)

又貴又一般嘅漢堡上星期收工同男朋友去咗美麗華食呢間burgeroom，我哋去到都九點幾，有人等緊位，加上裝修外型都幾好睇，我諗應該好食。我哋叫咗一個黑松露薯條，兩個漢堡，分別係墨西哥辣椒芝士牛肉漢堡同埋煙肉芝士牛肉漢堡。Order餐係出去出邊嗌嘅，之後會拎個震震機，嘢食整好就可以去counter度拎黎食。黑松露薯條黑松露薯條係最先整好嘅，薯條都叫做熱，醬有dd黑松露，就咁到左係薯條上面，所以唔係條條都有醬。另外啲醬嘅黑松露都唔多，味道唔出，稱不上黑松露薯條！芝士牛肉漢堡墨西哥辣椒嗰款，小小辣，因為入邊有墨西哥青瓜。兩個漢堡嘅牛都冇肉汁，漢堡包皮好普通，雖然整體上個包好大，外型都靚，不過味道好一般。比較上煙肉芝士嗰個漢堡就好食啲。咁樣$244，不值。