影片
更多
2020-12-02
64 瀏覽
今日同朋友行行吓街，覺得有啲肚餓，但又唔知食咩好，跟住突然之間聞到一陣好香嘅味，發現咗係一間串燒店，覺得好似幾吸引，跟住就行咗入去試吓。一入到去，環境同一般嘅串燒店唔同，油煙味又唔大，又唔會太嘈，亦都唔會俾人感覺好亂，個裝修亦都好簡潔同埋吸睛。呢度啲店員好好人，如果你係第一次嚟食嘅話，店員會同你逐個逐個介紹，亦都會同你講個爐係點樣運作嘅，超好人！！咁呢間串燒店係自助串燒，會有張Menu俾你自己揀，亦都會有一個飲品櫃俾你自己攞嘢飲。食物方面，我哋嗌咗好多嘢，當中最吸引嘅係雞中翼同埋牛柳粒。雞中翼並唔會好油膩，加上咁樣燒法，可以鎖住佢啲肉汁，令到佢唔會好乾。牛柳粒好彈牙，加埋佢提供嘅汁，簡直絕配！甜品方面，呢度可以燒棉花糖，外脆內軟，真係好正。而食到最尾仲有雪糕！整體來講，一定會再次嚟！！
一入到去，環境同一般嘅串燒店唔同，油煙味又唔大，又唔會太嘈，亦都唔會俾人感覺好亂，個裝修亦都好簡潔同埋吸睛。
呢度啲店員好好人，如果你係第一次嚟食嘅話，店員會同你逐個逐個介紹，亦都會同你講個爐係點樣運作嘅，超好人！！
咁呢間串燒店係自助串燒，會有張Menu俾你自己揀，亦都會有一個飲品櫃俾你自己攞嘢飲。
食物方面，我哋嗌咗好多嘢，當中最吸引嘅係雞中翼同埋牛柳粒。雞中翼並唔會好油膩，加上咁樣燒法，可以鎖住佢啲肉汁，令到佢唔會好乾。牛柳粒好彈牙，加埋佢提供嘅汁，簡直絕配！
甜品方面，呢度可以燒棉花糖，外脆內軟，真係好正。而食到最尾仲有雪糕！
整體來講，一定會再次嚟！！
張貼
