金糖滿屋 (已結業)

最近又係元朗行街，行完街想食糖水同坐下，去到又新街附近看到b仔實在多人，所以決定去鄰近的金糖滿屋食糖水。當日是平日夜晚，人流不多，不用等就能入座；餐廳裝修偏簡約，燈光充足，氣氛一般，餐枱的距離適中，不會太容易聽到旁人的對話。我點了一款芒果糖水。芒果糖水 (好似係芒果星球)外觀還好，但好似同餐牌和相有出入(有可能係我記錯)，有芒果，黑珍珠，椰果，芒果雪糕，份量算多，椰汁底；芒果肉算大份，不過可能係唔當造之故，不算新鮮美味，芒果雪糕超硬，完全咬不開，要等一下先至漫漫融化，而且只有甜味，無果味，所謂芒果雪糕就只是顏色而已。雪糕浮在糖水上，又堅硬如鐵，感覺就像乒乓波一樣🤦🏿‍♂️，而且價錢偏貴，以此價錢應做得更好！以上食物質素不太能接受，雖然環境尚算舒適，適合傾計，但價錢實在不值，一段時間不會再來！