影片
更多
2010-04-20
13 瀏覽
終於記得寫啦 =.=呢餐係同男友仔食既一餐 "我的生日飯"...今年生日都無咩特別想食, 一邊行下街街, 一邊搵下 openrice 有咩好食...結果搵到佢.....七本(居食屋)日本料理!!!就咁決定啦!! 去到好多人響門口等緊位 唔通...真係咁好食!? 既然我同男友仔都唔算太肚餓, 一於等下啦~等左大約 20 分鐘, 有位啦 入到去, 舖仔都幾迫下!! 個個都忙到好似打仗咁...燈光昏昏暗, 都幾舒服~~坐低睇左 meun 好耐, 樣樣都想試...哈哈!結果最後定案如下： 三文魚刺身 (半磅) $20* 食夠$100, 就可以任叫幾多次都得!! 甜蝦刺身 (5隻) $32 三文魚骨鹽燒 $18 炭燒豬頸肉扒 $38 芝士烏冬鍋 $48 海鰻長卷 (6件) $38 廚師推介：立魚海膽壽司 $28期待左大概 20 分鐘左右, 終於有野食啦!!先黎既係... 炭燒豬頸肉扒, 鐵板上既熱呼呼好香, 豬頸肉好入味, 不過食多幾片就有少少咸得滯之後黎既係... 三文魚刺身 (半磅), 好新鮮好美味, 讚!再黎既係... 芝士烏冬鍋, 哇! 成個鍋都好芝士, 白雪雪, 不過食落個芝士味就
呢餐係同男友仔食既一餐 "我的生日飯"...
今年生日都無咩特別想食, 一邊行下街街, 一邊搵下 openrice 有咩好食...
結果搵到佢.....七本(居食屋)日本料理!!!
就咁決定啦!!
去到好多人響門口等緊位
唔通...真係咁好食!? 既然我同男友仔都唔算太肚餓, 一於等下啦~
等左大約 20 分鐘, 有位啦
入到去, 舖仔都幾迫下!! 個個都忙到好似打仗咁...
燈光昏昏暗, 都幾舒服~~
坐低睇左 meun 好耐, 樣樣都想試...哈哈!
結果最後定案如下：
三文魚刺身 (半磅) $20
* 食夠$100, 就可以任叫幾多次都得!!
甜蝦刺身 (5隻) $32
三文魚骨鹽燒 $18
炭燒豬頸肉扒 $38
芝士烏冬鍋 $48
海鰻長卷 (6件) $38
廚師推介：立魚海膽壽司 $28
期待左大概 20 分鐘左右, 終於有野食啦!!
先黎既係... 炭燒豬頸肉扒, 鐵板上既熱呼呼好香, 豬頸肉好入味, 不過食多幾片就有少少咸得滯
之後黎既係... 三文魚刺身 (半磅), 好新鮮好美味, 讚!
再黎既係... 芝士烏冬鍋, 哇! 成個鍋都好芝士, 白雪雪, 不過食落個芝士味就麻麻, 可能呢隻芝士唔好食, 烏冬就一般啦..
跟住係... 廚師推介：立魚海膽壽司, 呢個真係讚! 紫菜新鮮脆口, 海膽新鮮香口, 魚質亦好新鮮~
之後就係... 三文魚骨鹽燒, 細細件 size o岩o岩好, 不過略帶太淡, 再咸少少就正爆~
再黎就係... 海鰻長卷 (6件), 食到呢個 moment, 查實已經飽飽地, 呢個海鰻長卷就一般啦, 無咩特別~
最後就係... 甜蝦刺身 (5隻), 咦! 呢個唔得, 蝦仔太細隻, 新鮮度亦都麻麻....唔推介~
總括黎講, 的確唔錯既...應該會再黎, 試埋其他野食 =v=+
張貼
