七本(居食屋)日本料理 (已結業)

質素非常一般 又唔係平 問咗老細可以碌卡 買單時又話部機壞咗 要畀現金 呢間嘢冇下次如諗住食大餐， 記住問清楚可唔可以碌卡先 記住問收銀 呢家嘢好取巧星期日晚 很早時間 已經冷清清

未試過未食過一餐就寫食評，因為今次實在等得太耐了。今日同女朋友去食午餐，我叫左個魚生飯，女朋友叫左一個午餐壽司+烏冬set。我個魚生飯好快就到左，但到我食完成個飯，女朋友個set都未到。再等左陣，得個淨烏冬黎左，最後連烏冬都食完，個壽司都仲未到。中途試過問下啲侍應追個餐，得到個回覆係: 等下啦，整緊呀！食物質素其實都不抱有期望，始終一分錢 一分貨。但服務態度都係重要一環，唔係話要有啲咩尊貴既待遇，只是想得到正常既回應...

呢間垃圾真係食到一肚氣！燒雞翼唔熟有血水流哂出黎，當時我即刻叫個樓面幫我取消 order佢扮聽我唔到照拎入廚房叫師父整過！埋單既時候雞翼都未黎我再叫佢幫我取消個order佢照收我錢唔取消，唔係錢既問題係咁既服務態度，平時出去食野好食唔好食我都唔會講d咩，係您地既樓面侍應真係好有問題，最後雞翼都係比左錢，但係呢間野無下次，我都唔會幫襯，真係未試過食餐飯食到要咁勞氣，第一次打食評，真係想不到係打一個負評！

一場黎到諗住試下d穩陣野，叫左個蟹膏帶子炒飯，d飯勁乾，又無蟹膏味，完全垃圾！芝士焗帶子？ 有沙律醬味，咩料？個三文魚平價貨我唔理啦，穩陣既槍燒牛油類壽司，乾得黎又唔香口，真係好懷念一休

每當我午餐想食日本嘢！我第一時間就係會諗起旺角七本... 呢間日本餐廳我已經幫襯左好幾年, 最鍾意就係食佢嘅午餐定食, 尤其是係松壽司定食加依個烏冬仲可以配凍飲。啲壽司大大件同好新鮮, 但係等嘅時候要等多一陣, 因為午餐廚房只有一兩個廚師師傅, 正所謂食好嘢梗係要等多一陣架啦！其實佢仲有其他自選套餐可以雙拼嘅午餐定食, 例如: 青魚, 蘆筍牛肉卷, 自家製🐷軟骨, 秋刀🐟, 野菌豚肉, 豬頸生薑燒, 吉列海鮮同吉列豬扒, 等等etc... 但係依間餐廳有一度唔好嘅地方, 就係d店員基本上要指定你坐邊度就坐邊度, 通常我都係下午三四點先走去食, 但係都已經唔多人仲要指定坐座位, 所以本人對此有啲不滿... 但係點解我一直都支持依間鋪頭, 就係因為佢啲嘢食夠公道好食👍👍👍

原本是嚐西餐relax 下，點知話要等半個鐘😅⋯⋯轉向女人街找食。之前曾經食過這店側的魚心，今次就試試這店，它比魚心貴一點，餐牌像好看些嘛😅。點知🤦🏻‍♀️⋯⋯叫了竹壽司拼拉麵，$55。壽司看來一般啦！口感就麻麻，飯實實而味道不太像壽司的令人開胃，卷物更加一般。個壽司到後，成十幾分鐘才來拉麵，一看🙄，太無誠意，只找到兩粒粟米，找不到明顯的海帶，我想，你看相也明白。店員服務就更😑🙄⋯⋯隔離有個姨姨已進食中，想要杯水，店員都要講兩句令人不悅的說話才去取😒⋯⋯我肯定不會再來，寧願揀隔離果間，質素不高，但起碼平，抵食。

服務差到不行！！給差評喔！本身諗住食個lunch,一入去已經冇人理，咁咪諗住搵個位坐底啦，坐到落枱meun又唔冇，叫左好耐先有人理下，到諗好食咩諗住揮手叫下，果個呀姐行到老蓮咁遠叫出黎....食咩，再補多句你一位坐入面咪坐果道！講真我入去果時你唔理我？你又冇客仲有咁多空枱我坐呢道有咩問題！落單你都懶行到枱前落，仲要單都未落就轉身行更遠！真係唔知咩態度！結果我頭也不回就走左！我覺得我比錢都系想食野姐沒需要要受你氣lol

放假同Chu-bb 出黎旺角消費一下心血來潮想食日本野, 但又唔想食放題最後決定食以前成日幫襯既七本~佢呢到例牌唔洗排隊, 一去到就有得入座由於個日天氣都幾熱~搞到我都唔係好有胃口所以打算叫壽司食其實我心裡面都15-16到底呢到D刺身/壽司入唔入到口但平時見佢做特價嘅三文魚都唔算差 同埋見佢個壽司set收成$188...應該唔錯掛...就決定一試另外Chu-bb 就叫左個黑蒜油豚肉拉麵同牛油焗帶子同埋特價$40 十片三文魚Chu-bb個麵一到我心都離一離...點解碗野咁樣衰hahha!!!而Chu-bb食哂成碗麵我D壽司都未到...但見到個D侍應阿姨個樣...我真係唔敢催佢終於等左大約20分鐘......Um...望落都好似幾靚~點知一食.....海膽無味嘅 蝦卷唔脆同唔熱唯獨係舊三文魚相對比較好食成個set比我嘅感覺就好似百X超市個D壽司咁~但收我成兩舊水....下次都係比多少少錢去食放題算~

嘢食已經唔好， 叫咗個三文魚飯， 三文魚小不在話下， 重要 嘅係啲刺身係唔新鮮嘅 嘢飲一般， 不過不差服務差到痺， 開頭落單，問佢一句都唔想答， 我只係問佢有冇得轉定食， 佢態度極惡劣，淨係問我咩呀， 跟住我指餐牌畀佢問， 佢第一句話冇吖就算期間想叫佢加茶，扮聽唔到最後找錢 仲想找少錢， 好彩睇一睇 都唔明點解啲人話呢間嘢咁好食，又話服務好最衰唔記得影相 如果唔係 可以畀大家睇到 食物質素係因為太差 先想話畀大家聽唔好畀人呃真係落黑名單舖頭

平時黎呢度食個卷物加拉麵 / 烏冬，50蚊有找。有日早左黎食，見一點前埋單有85折，就叫個貴啲嘅壽司船加胡麻醬撈麵 (原價65)，隻壽司船都吸引，不過個撈麵就。。。。有陣好奇怪嘅味。見食壽司都飽就放棄佢。下次叫返三文魚卷加烏冬最穩陣。同埋一點前埋單一定要計清楚，有時佢地會冇俾折。

terrible customer service and if you dont request them, they won't provide the same thing as in lunch set. feeling like cheatedfor example, they don't provide you drink or soup only if you ask, which is included in price alreadyif you ask, they will give it to you reluctantly

今天路過此處，以前從未光顧，姑且一試。進門之後，一個光頭胖子(不知是老闆還是經理)和一個侍應看見了我但沒有絲毫反應，於是我隨便找一張桌子坐下。坐了不到兩秒，胖子突然以喝令的口吻，要我坐到另一張桌子。也罷，我拾起物件轉了坐位。其後我叫了滑蛋炸蝦定食。平心而論，食物質素不錯。炸蝦的炸粉不太厚，也很脆，滑蛋鍋的雞蛋也不少，還有切了薄片的雞肶菇做配菜，而且所有食物都夠熱，晚飯價錢$60，十分合理，吃了也很飽足。我額外加了熱飲，亦很正常。若不是進入店子時的不快經驗，我可能還會再光顧; 現在則毋須考慮了。

通常係人好肚餓嘅時候 食咩都會覺得好好食。今日我早餐都未食就出左街，差唔多四點幾先食第一餐，係一個咁長時間無食嘢嘅情況下，我覺得就連個包都係最好味。嚟到旺角，見到有間日本野未試過，有日本野食已經好期待，再加上我咁耐未食嘢，可能叫碗白飯都覺得勁好食。但係啲嘢食一擺上張枱度嘅時候， 我就已經覺得會好難食，因為啲賣相極其差，食落口就發現，原來真係好難食，啲飯係唔熱嘅，秋刀魚係冇味 嘅仲有啲腥味，嗰塊吉列豬扒又難食，整體來講就係難食，以後都唔會再黎！

八點同女友係旺角周圍行，唔知食咩好，見門口位姨姨笑容十足於是隨遇而安咁入咗去呢間餐廳食，門面裝修正正常常無咩特別。因為小弟有啲選擇困難症，所以都揀咗好耐，店員都算有耐性解答同無催落單。最後揀咗招牌地獄海鮮拉麵，見佢講到話激辛，而小弟又十分嗜辣如命，所以就揀左佢，女友就揀左海鮮鍋飯，再加特價十片三文魚刺身。上菜好快，首先上左三文魚刺身，厚度適中，肉質肥美，鮮味亦夠，呢個價算物超所值。見佢啲刺身咁抵食，諗住接下來嘅主菜都應該唔會太差啦，只不過........兩份主菜同時上，第一次見地獄拉麵啲湯係豬骨湯咁嘅色，紅都唔紅下，本想叫店員查查單，睇下係咪落錯單，但女友身先士卒盛了口湯試一試，真係有辣味，我試下味果然有啲辣，咁都算無黎錯嘅，不過個湯真係乜海鮮味，再試下啲海鮮配料都係無乜鮮味，量多都無用，不過都唔一無是處嘅，麵質就OK，口感都算彈牙，算係沙漠中嘅綠洲啦。另外個份就係海鮮鍋飯賣相都OK，但食完全無海鮮味，純粹係蛋炒嘅味，啲海鮮配料又係無味......好不容易食晒埋單，如果齋食刺身黎講OK嘅，但可惜我地個飯同麵真係完全唔合格。

問心啲野食係唔差，定食有刺身，麵豉湯，價值ok。我就叫左個牛肉鍋定食，我朋友叫左鯖魚定食。之後呢明明我朋友叫左鯖魚佢就比左燒雞，都唔緊要拉，再叫過囉。最過份既係，正常日本牛肉鍋都有半熟既蛋既，佢黎過全生既蛋，都唔緊要，咁咪比隻蛋係個鍋耐啲咪會熟小小囉，點知10分鐘完全冇一點熟既蹟象。我腸胃又差，咪唔該侍應幫我整熟，之後個侍應問個光頭既經理，個經理用啲勁差既語氣: 煮過要加錢(佢個態度係好差好差)我唔會就黎食！