Bellevue Bar and Grill (已結業)

喺油尖旺區要搵一個靜靜地又適合情侶食餐好嘅地方都唔易㗎，通常都係啲連鎖店，小店又太逼夾，呢排疫情坐咁迫真係唔多衛生。上樓嘅餐廳就成為左我喺油尖旺區最好嘅選擇，呢問餐廳坐得闊落舒服，服務非常好，啲侍應個個都好有禮貌，有賓至如歸嘅感覺。嘢食就一定要推介牛扒啦，我今晚食咗美國安格斯西冷，大大塊，表面似well done咁脆，但咬落去就知係medium, 夠嫩好有牛味，又有炭燒味。非常值得一讚嘅係呢度有好多素菜選擇，西餐素菜餐廳油尖旺區真係少之又少，我試咗呢度嗰個芝士焗牛肝菌茄子千層，配搭好match，個蕃茄醬汁同啲燒烤嘅蔬菜好夾，食素都食得好滋味。飲品方面呢，我飲嘅Sangria，非常推介，因為出面飲嘅好多都好似現成買返唻嘅果汁咁，呢度有啲心機，有多啲新鮮生果，豐富左成杯飲品嘅層次，呢個價錢咁大杯都非常實惠。如果有食素嘅朋友，但自己又係食肉獸，呢度係平衡大家需要嘅好選擇。