和牛燒肉一郎 (新都城中心二期) (已結業)

趁呢幾日天氣仲未係極端地凍嘅時候，嚟享受燒肉樂趣同暖吓身先🥳！嚟到位於將軍澳嘅「和牛燒肉一郎」，見到店舖門口裝修好特別，認住大大隻牛就得喇🐂一入到去見到環境好闊落乾淨，無平時燒肉店充滿油煙味同煙霧瀰漫嘅感覺，證明抽風做得好好～食物選擇有放題、定食或者套餐，掃QR code落單非常方便。我哋今次叫嘅係午市套餐，每份套餐配一碗飯、一碗麵豉湯及一小碟前菜，睇落已好豐富😌特選牛肋肉雖然係一人份量，但估唔到都好大碟～目測大概有20塊以上嘅牛肋肉，牛肋色澤呈紅色。個爐火力都幾猛，油脂喺烤盤上滋滋作響，燒出嚟嘅肉嫩而不韌，直接食已夠味😆又或者可以加餐廳提供嘅醬汁調味令味道層次昇華。帶有嚼勁嘅特選牛肋肉原汁原味，送飯一流，佢哋嘅白飯採用優質珍珠米，飽滿度都好好，燒好嘅牛油滴埋去啲飯到，令人一試愛上，lunch嚟食夠哂chill👀 又有一個開飯好地方！壺漬牛外橫隔膜 ＆ 2色蔥花牛舌 (鹽味)呢個份量同樣都好夠食！牛外橫隔膜浸泡於特色醬汁壺中（揀咗燒肉汁）因此會感受到淡淡甜味同芳香喺口中散開，完美抵消燒肉嘅「罪惡感」😂牛外橫隔膜肉味較重，油花較少，燒烤後油亮光澤、香氣滿盈厚實嘅肉味適合喜歡肉味濃者～另外