影片
更多
2023-10-15
15 瀏覽
無咁多假去日本旅行，每逢掛住日本都會去居酒屋裝修嘅日本餐廳一解鄉愁，今晚揀左開業多年嘅焱丸水產，座落街尾倔頭路嘅佢，每次去都有一種走在日本小巷嘅儀式感。麻醬番茄豆腐沙律番茄、豆腐、沙律菜三種材料清新嘅配搭，無落多餘嘅調味，而且麻醬份量一啲都唔孤寒，亦非常貼心咁分開上，同時適合熱愛麻醬或正在減肥嘅我哋。漁師2人前盛每次必點。豐富嘅刺身盛，餐廳選擇最新鮮的海鮮製作刺身，今日有平目魚、池魚、油甘魚、牡丹蝦、赤貝、赤身同吞拿魚腩，全部都好新鮮，特別係吞拿魚腩同啖啖肉嘅牡丹蝦令我回味。三文魚中卷刺身盛無三文魚就追加左個三文魚中卷，三文魚包住蟹籽、蟹柳同牛油果，咬落去好滿足。蟹味噌甲羅燒當然唔少得必食嘅甲羅燒，每一枱都有一個燒海鮮嘅爐，有店員專門幫忙料理，蟹味噌同鵪鶉蛋混和煮熟後再加上生青瓜絲，味道岩岩好！鮑魚殼燒我哋仲叫左非常新鮮嘅鮑魚，店員燒烤時加上料理酒同海鮮燒烤醬油，口感好爽彈同鮮甜！野菜天婦羅除咗沙律，蔬菜仲有佢！大葱、茄子、小青椒同冬菇天婦羅都好好味，要讚一下天婦羅汁係熱辣辣嘅，唔怕點完之後會整凍舊天婦羅。蠔鍋飯最後再叫左個蠔鍋飯作結，汁用上燒汁加洋葱同青紅椒，非常惹味，蠔的火候亦控制
無咁多假去日本旅行，每逢掛住日本都會去居酒屋裝修嘅日本餐廳一解鄉愁，今晚揀左開業多年嘅焱丸水產，座落街尾倔頭路嘅佢，每次去都有一種走在日本小巷嘅儀式感。
麻醬番茄豆腐沙律
番茄、豆腐、沙律菜三種材料清新嘅配搭，無落多餘嘅調味，而且麻醬份量一啲都唔孤寒，亦非常貼心咁分開上，同時適合熱愛麻醬或正在減肥嘅我哋。
漁師2人前盛
每次必點。豐富嘅刺身盛，餐廳選擇最新鮮的海鮮製作刺身，今日有平目魚、池魚、油甘魚、牡丹蝦、赤貝、赤身同吞拿魚腩，全部都好新鮮，特別係吞拿魚腩同啖啖肉嘅牡丹蝦令我回味。
三文魚中卷
刺身盛無三文魚就追加左個三文魚中卷，三文魚包住蟹籽、蟹柳同牛油果，咬落去好滿足。
蟹味噌甲羅燒
當然唔少得必食嘅甲羅燒，每一枱都有一個燒海鮮嘅爐，有店員專門幫忙料理，蟹味噌同鵪鶉蛋混和煮熟後再加上生青瓜絲，味道岩岩好！
鮑魚殼燒
我哋仲叫左非常新鮮嘅鮑魚，店員燒烤時加上料理酒同海鮮燒烤醬油，口感好爽彈同鮮甜！
野菜天婦羅
除咗沙律，蔬菜仲有佢！大葱、茄子、小青椒同冬菇天婦羅都好好味，要讚一下天婦羅汁係熱辣辣嘅，唔怕點完之後會整凍舊天婦羅。
蠔鍋飯
最後再叫左個蠔鍋飯作結，汁用上燒汁加洋葱同青紅椒，非常惹味，蠔的火候亦控制得好好，依然保留到蠔嘅口感同鮮味。
張貼
