蘇媽.蘇媽馬來西亞茶餐室 (已結業)

深水埗呢條街真係好多好嘢食，搞到我最近密密黎深水埗😂蘇媽真係好受歡迎，好多人等位，建議大家早啲嚟！我諗肉骨茶係大家嚟到會叫嘅一樣野，佢呢度仲要係可以添飲，好正！店員會先俾個碗你，斟啲肉骨茶俾你，另外肉骨茶嘅湯料會分開另一碗上。飲完可以再叫店員添飲，不過其實食埋其他嘢都飲唔到幾多，我飲咗三碗，好滋味。藥材味唔算話太濃，都幾啱我口味。另外仲叫咗一個檳城白咖喱油面，都幾特別，個辣醬係分開上嘅，都幾辣，好似我咁唔係好食得辣就只係落咗少少。白咖喱個湯底本身清清地。整體啲嘢食都幾好食，而且價錢唔貴，值得下次再嚟！