影片
更多
2017-08-20
49 瀏覽
係炎熱既夏天，經常出入冷氣地方，見朋友有幾聲乾咳，就想起之前有朋友介紹有一間火鍋店，有香濃既菜乾豬骨豬肺湯。我哋就出發去「漁火」，可能比較早既關係，得兩檯客人。眼看全場得11張檯，全部都有梳化，所以坐得好舒服，可以慢慢嘆。一坐底職員就拎左一大盤醬油配料俾我哋，當中有辣椒、炸蒜、蒜蓉、芝麻（好少地方會提供）、芫荽、蔥、沙茶醬、花生醬、麻油。我哋既目標就係呢個菜乾豬肺湯，湯好濃郁香甜，材料好多，真材實料先可以煲到一鍋咁無得頂既湯，有住家湯水既感覺。最後我哋每人飲左四碗湯，食曬啲湯料，已經有啲飽飽哋既感覺，所以我哋頭輪叫左：即炸響鈴、四色手打丸、蟶子同油麥菜。即炸響鈴：就咁食已經好鬆化又夠脆，無千年油味、燶或者油膩既感覺，真係可以不斷encore 四色手打丸：分別有牛根丸（肉汁麻麻、無牛肉味、唔太爽滑、煙韌十足）、蝦丸（全粒都係新鮮蝦足料、外面仲有一層蝦乾仔令味道層次提升）、豬肉咸旦（入面有細細粒咸旦黃、新奇有趣）、墨魚丸（爽口彈牙、好味）油麥菜：超級新鮮，清甜爽口蟶子：必叫之選，選料可作刺身食用，放落水十秒道就脫殻，加埋足料靚湯底，味道爽甜又肥美，大大隻好好味！食完第一輪有啲意猶未盡，第二
係炎熱既夏天，經常出入冷氣地方，見朋友有幾聲乾咳，就想起之前有朋友介紹有一間火鍋店，有香濃既菜乾豬骨豬肺湯。
我哋就出發去「漁火」，可能比較早既關係，得兩檯客人。眼看全場得11張檯，全部都有梳化，所以坐得好舒服，可以慢慢嘆。
一坐底職員就拎左一大盤醬油配料俾我哋，當中有辣椒、炸蒜、蒜蓉、芝麻（好少地方會提供）、芫荽、蔥、沙茶醬、花生醬、麻油。
我哋既目標就係呢個菜乾豬肺湯，湯好濃郁香甜，材料好多，真材實料先可以煲到一鍋咁無得頂既湯，有住家湯水既感覺。
最後我哋每人飲左四碗湯，食曬啲湯料，已經有啲飽飽哋既感覺，所以我哋頭輪叫左：即炸響鈴、四色手打丸、蟶子同油麥菜。
即炸響鈴：就咁食已經好鬆化又夠脆，無千年油味、燶或者油膩既感覺，真係可以不斷encore
四色手打丸：分別有牛根丸（肉汁麻麻、無牛肉味、唔太爽滑、煙韌十足）、蝦丸（全粒都係新鮮蝦足料、外面仲有一層蝦乾仔令味道層次提升）、豬肉咸旦（入面有細細粒咸旦黃、新奇有趣）、墨魚丸（爽口彈牙、好味）
油麥菜：超級新鮮，清甜爽口
蟶子：必叫之選，選料可作刺身食用，放落水十秒道就脫殻，加埋足料靚湯底，味道爽甜又肥美，大大隻好好味！
食完第一輪有啲意猶未盡，第二輪叫左蔬菜籃加魚腐。
菜籃有菜芯、白菜仔、金菇、粟米、香菇，全部都好新鮮。
魚腐：唔係魚旦舖賣果啲，係一個扁扁地既生根咁，佢加熱後會成個波咁浮起湯面上，係幾得意既，加埋自制混醬就一流！下次想試下佢哋啲小食同海鮮拼盤！！！
張貼
