富寶軒燒鵝海鮮酒家 (已結業)

之前同朋友來過這地方飲茶，但品質及味道也麻麻地，跟著也沒有興趣再來。 最近據聞這間酒樓轉咗手，味道品質也大有不同，今天就來試試它的味道。 蝦餃大大粒，摺紋明顯好整齊，蝦肉鮮味又脆口。臘腸卷外層蒸麵糰未發起，唔鬆軟實了一些，有點黏口。 臘腸夠肥，但腸衣較厚咬不斷。鮮竹卷外型麻麻地，其中一塊頭尾有燶。 不過鮮竹夠軟夠滑，餡料味道夠清淡，味道幾好。鮑魚酥撻底焗得唔夠脆，餡料冬菇加雞粒，醬汁濃但不算䶢，頂層鮑魚也調得幾好味，驟眼看好似炆乾鮑。