日月堂

營業中

休息中

牛肉麵嘅牛肉超級多，份量有起碼其他餐廳1.5倍嘅份量，所以食完之後真係超飽。牛三寶有牛筋、牛腩、牛展。三樣都好好，又夠腍、又夠入味，但又唔會太腍，仲有少少咬口，係我認為最啱嘅軟硬度，所以建議鍾意食牛肉嘅人可以揀牛三寶多個半筋半腩。湯底非常濃郁，鍾意飲湯嘅就啱晒，不過有少少鹹咗啲。鹽酥雞同埋酥炸魷魚都好好食，炸粉好有味，雞肉同埋魷魚仲keep到好滑。叫咗黑糖珍珠鮮奶，甜度剛好，珍珠彈牙，唔硬。總結：價錢抵食，食物好食，服務好，推介。