武士拉麵 (已結業)

約咗朋友喺尖沙咀食晏，大家都想食拉麵，亦都鍾意試新餐廳，咁就上網Google睇吓附近有邊間拉麵店朋友同我都未去過，見到呢間口碑幾好，咁就行過去試吓😁我叫咗$98嘅「黑蒜油豬骨湯底拉麵」，再$10加一塊叉燒同埋$12加麵，湯底揀咗要濃、麵條要硬；朋友就叫咗$118嘅「武士沾麵（其實係柚子魚介wasabi沾麵）」😁大大碗「黑蒜油豬骨湯底拉麵」好快就嚟到，飲啖湯先，有啲蒜頭香味又有豬骨味，幾濃郁；加咗叉燒之後一共有三片叉燒，每片薄薄哋都幾腍幾好味；麵條就有啲咬口😋朋友嘅沾麵我都試咗一啖，粗麵麵身夠硬我鍾意，沾麵汁有好清新嘅柚子味，幾好，裏面仲有好多豬肉粒，正😋