影片
更多
2009-11-30
4 瀏覽
喺 cwb 食飯食到悶悶地，加上搭返屋企個架巴士嘅總站又喺大坑附近，所以就喺 iphone 度用 openrice app 搵搵有咩好食~ 自從早幾個月去完新加坡之後，就成日心郁郁想食啲新加坡嘢，所以就嚟咗呢間~個二人 set 入面 d options 幾 okay，加上價錢合理，所以就揀左個二人餐。估唔到我隻佬仲有空間想食個炒蘿白糕，好，照嗌~首先送上檯竟然係個肉骨茶，連埋個爐一齊上，唔錯唔錯。一路等佢滾，個三文魚撈起都送到嚟。portion... 比較細... 同埋明明係一個二人餐，點解係三塊三文魚呢? anyway... 都係個 starter 唶。中途個炒蘿白糕送到，正正常常啦。無耐個魚餅到送到上嚟，見到真係岩岩煎起（因為夜？我地係最尾一檯客）。個魚餅咬口好，味道都唔錯。之後個叻沙同埋馬拉盞炒菜都嚟咗。個叻沙湯底幾好，夠香亦夠辣，食完引唔住飲多兩啖~ 料算多（不過好似冇豆卜？﹗），入面隻蝦已經剝咗中間啲殼，仲要幾彈牙，唔「梅」喎~返返去肉骨茶，可能我都係比較鍾意新加坡式嘅肉骨茶（即係胡椒 + 蒜味重），所以冇乜特別 comment。不過入面 d 肉都算均真，起碼有兩三舊係
個二人 set 入面 d options 幾 okay，加上價錢合理，所以就揀左個二人餐。估唔到我隻佬仲有空間想食個炒蘿白糕，好，照嗌~
首先送上檯竟然係個肉骨茶，連埋個爐一齊上，唔錯唔錯。一路等佢滾，個三文魚撈起都送到嚟。portion... 比較細... 同埋明明係一個二人餐，點解係三塊三文魚呢? anyway... 都係個 starter 唶。
中途個炒蘿白糕送到，正正常常啦。無耐個魚餅到送到上嚟，見到真係岩岩煎起（因為夜？我地係最尾一檯客）。個魚餅咬口好，味道都唔錯。
之後個叻沙同埋馬拉盞炒菜都嚟咗。個叻沙湯底幾好，夠香亦夠辣，食完引唔住飲多兩啖~ 料算多（不過好似冇豆卜？﹗），入面隻蝦已經剝咗中間啲殼，仲要幾彈牙，唔「梅」喎~
返返去肉骨茶，可能我都係比較鍾意新加坡式嘅肉骨茶（即係胡椒 + 蒜味重），所以冇乜特別 comment。不過入面 d 肉都算均真，起碼有兩三舊係 rib（我真係食過啲俾唔知乜野骨你嘅肉骨茶...）。油炸鬼嘅份量係驚喜，唔係求其俾兩片你算數，啱晒我呢啲鍾意食麵粉嘅人~
甜品要咗 caramel panna cotta，又幾好食喎~ 不過唔知佢上面啲綠色一條條係乜嚟呢？
service 幾好（亦都可能係因為少人），加茶加得快，侍應們收碟個陣仲會幫你 reorganise 下檯面 d 餸~ 不過坐喺旁面疑似埋緊數個位 manager 就真係好麻麻，我哋問 waiter 甜品可唔可以揀晒兩種，人地都未出聲，佢已經搭嗲搶住答，仲要態度好麻麻﹗同個侍應 order 餐茶個陣，個 manager 仲要趕住去死咁，呢頭我哋講完，個頭就大大叫入水吧叫人整。喂，嫌我地阻住你收工咪早 d 講囉，唔駛咁嘅態度掛？﹗
張貼
