影片
更多
2019-01-29
96 瀏覽
又去幫襯火水爐了! 不過今次只有我和朋友二人。未入餐廳，已經見到好有懷舊風情既招牌。由地下行上餐廳既樓梯兩旁都充滿著獨特既海報同廣告，聽住80年代既音樂，彷彿行入左條時光隧道。 餐廳既裝修、佈置都充滿著7、80年代既風格。當然餐廳內部都放左好同餐廳名一樣既火水爐。當然依啲火水爐只係擺設，實際都係用電磁爐既。😂第一樣上枱嘅就係花膠雞煲，不過呢樣要訂位先有，所以作為精明嘅消費者，一定要book位先啦😂。呢個雞煲，我地就叫左bb辣，醬汁夠惹味，雞件夠大（呢樣真係好過嘟品雞煲好多）又多配料，好似紫洋蔥，芹菜等，索左d汁，好味👍。最重要係花膠，算厚身又分量足夠，為雞煲加唔少分！作為贈品，我就覺得呢個煲真係好有誠意。 食到咁上下，店員就幫我地將未食完嘅雞另外舀起，之後就準備上火鍋。打邊爐嘅靈魂點少得個湯底。今次嗌左個宮廷藥膳鍋，感覺好養生😂。端上嚟嘅時候又真係好勁藥材味，望一望就見到d真材實料啦，有杞子，白芍，當歸等。飲落味道都幾好，配d牛肉、海鮮都唔錯架。食物方面，我地就點左牛小排、珍寶肥牛同d響鈴，炸魚皮，菜咁。當然唔少得海鮮拼盤：有蝦、脆肉鯇、蜆、墨魚膠、桶蠔。先講牛肉，牛小排嘅肉味的確比肥
未入餐廳，已經見到好有懷舊風情既招牌。由地下行上餐廳既樓梯兩旁都充滿著獨特既海報同廣告，聽住80年代既音樂，彷彿行入左條時光隧道。 餐廳既裝修、佈置都充滿著7、80年代既風格。當然餐廳內部都放左好同餐廳名一樣既火水爐。當然依啲火水爐只係擺設，實際都係用電磁爐既。😂
第一樣上枱嘅就係花膠雞煲，不過呢樣要訂位先有，所以作為精明嘅消費者，一定要book位先啦😂。
呢個雞煲，我地就叫左bb辣，醬汁夠惹味，雞件夠大（呢樣真係好過嘟品雞煲好多）又多配料，好似紫洋蔥，芹菜等，索左d汁，好味👍。最重要係花膠，算厚身又分量足夠，為雞煲加唔少分！作為贈品，我就覺得呢個煲真係好有誠意。
食到咁上下，店員就幫我地將未食完嘅雞另外舀起，之後就準備上火鍋。
打邊爐嘅靈魂點少得個湯底。今次嗌左個宮廷藥膳鍋，感覺好養生😂。端上嚟嘅時候又真係好勁藥材味，望一望就見到d真材實料啦，有杞子，白芍，當歸等。飲落味道都幾好，配d牛肉、海鮮都唔錯架。
食物方面，我地就點左牛小排、珍寶肥牛同d響鈴，炸魚皮，菜咁。當然唔少得海鮮拼盤：有蝦、脆肉鯇、蜆、墨魚膠、桶蠔。
先講牛肉，牛小排嘅肉味的確比肥牛濃郁d，咬落去肉質更有口感。但如果你鐘意食甘香嘅脂肪，就梗係食肥牛。
海鮮方面，蝦用竹籤串好，方便食客撈起。新鮮既唔單止蝦殻易剝，而且咬落口感結實，的確係令人食得津津有味。 除左蝦，仲有蜆，蜆肉咬落冇沙，蠔既size亦夠哂份量。
食左咁多肉，最岩就係食返啲蔬菜消下滯。蔬菜既選擇都好多，我地就叫左唐生菜、白菜仔、金菇等等。
順帶一提只有罐裝汽水係任飲。
任食火鍋絶對可以食飽飽，而且鍾意既野食仲可以叫多幾款添。
張貼
