成都老碼頭火鍋 (已結業)

天氣開始轉涼，又係去打邊爐嘅時間。今次就同朋友去咗呢間成都老碼頭火鍋，餐廳裝修用心，相當有中式氣氛嘅火鍋店。餐牌食物種類都相當豐富，湯底亦都有辣同唔辣選擇。醬油區亦有很多醬料選舉，而且旁邊仲有冰凍嘅水果。宮殿藥膳湯底藥材材料相當豐富，湯底味道亦相當清甜。澳洲雪花牛肉雪花紋路清晰肥瘦適中雪花牛肉與脂肪比例亦剛好，肉質嫩滑，帶點牛脂甘香。極品鵝腸鵝腸爽脆，淥幾秒就食得相當正。已經上枱賣相亦都好吸引。炸雞皮單看賣相已相當吸引，而且真係送酒一流，酥脆嘅炸雞皮加上孜然粉真係食唔停口。蛋餃賣相可愛，其中一樣必食菜式，蛋皮超香，每一口都有啖啖蛋香。紅糖糍粑內脆外軟，表面更有黃豆粉及黑糖，令每一啖層次感都十足。最後食埋生果就相當滿足。