鴻星中菜 (瑞安中心) (已結業)

昨晚同奶奶慶祝生日，幸好預先訂，因為酒樓有宴會，間淨十張做散客。叫左個「帶子皇四人餐」，怕唔夠食，加一個頭盤炸鹵豆腐和士多啤梨骨。炸鹵豆腐炸得很香口，但奇怪沒有鹵味。拆燴石頭魚羹，味道普通，未見特別鮮甜，材料豐富，但只係每人得一碗仔。堂煎海貝帶子皇的帶子好大隻，夠味唔韌。茄汁大蝦味濃好吮，但蝦不新鮮，我老公對唔新鮮的蝦一向敏感，今次食到佢話喉嚨痕又腫。脆皮BB鴿真係幾BB，皮夠脆，但太咸。上湯玉芥的芥菜“nam”晒，而且為全個餐最弱的一環。蠔皇鮑粒燴okay，分量足夠。士多啤梨骨做得很好，唔會成口粉，唔太硬，個獻味道和稀“”開得剛剛好。西式甜品是法式小餅四件，味道一般。因為是奶奶生日，另外加本打壽包。壽包拳頭般大，內有全咸蛋黃一個，我對實實的咸蛋黃一般喜歡。