壹級日本料理 (已結業)

是日由俾朋友叫出來去食嘢，不過今次目的地唔係旺角又唔係銅鑼灣，而係去咗大圍美林邨由領展管理嘅屋邨冬菇亭食飯，但係已重新改建而成變咗一間大屋咁，位置係巴士總站隔離，一落車就見到好方便，條友仲未同我講今餐食乜嘢，去到就知道原來食日本料理呢到種類都幾多分別有爐端燒，炸物&天婦羅&鍋物&串燒&刺身&壽司&手卷&浜燒&卷物等等一時之間好難盡錄全部。先來係食浜燒特级安格斯，size豐滿十足未食已聞到香濃牛味，脂肪分佈平均在每一件度，至於肉質咬落鮮嫩又多肉汁，油脂甘香係囗腔停溜，唔點醬汁已經好好味再來係串燒有牛脷串肉質嫩滑多汁&黑豚腩串腩肉脂肪甘香同雞肉軟骨串爽口彈牙之後點咗剌身食咗幾款有帶子肉質結實爽鮮甜。藍旗中腹（中拖羅），未食已見拖羅魚油脂肪飽滿有質素，入口肉質滑溜係口裏慢慢溶化，超好味活赤貝，一樣口感十足爽口鮮甜。最後係爐端燒點咗洋蔥煙肉芝士燒蠔2只，面層厚厚芝士，撥開見洋蔥同煙肉包圍住隻蠔，而且仲係有2只份量十足，蠔肉質相當肥美滑溜入口多汁，超鮮甜話咁快又食完一餐日本料理。