又一店拉麵小籠飽 (已結業)

早幾晚兩口子專誠黎呢度食晚飯, 全因為見到呢度食評都講得幾好, 所以決定一試!由於兩個人關係所以冇得訂位, 所以早少少去到, 避免多人要等位! 去到發覺地方唔算好大, 坐底即刻叫野食, 因為師傅太肚餓喇! 最後叫左雞絲粉皮, 招牌小籠包, 擔擔麵, 紅油抄手同埋糖醋魚塊!最先到係雞絲粉皮, 雞絲粉皮都幾大碟下, 粉皮幾滑加上青瓜爽口, 麻醬夠香, 係雞絲比較韌, 差少少但都可以; 招牌小籠包一籠有四隻, 皮唔算好薄, 就係因為唔薄所以唔會一夾就穿, 餡就幾鬆, 裡面好多湯, 不過薑絲都多d; 擔擔麵湯底可以, 可惜麵質就麻麻, 冇煙韌拉麵口感, 一般; 紅油抄手唔算好辣, 皮相當薄而且又滑, 口感一流, 餡與菜比例合適, 豬肉少而白菜就多, 有肉的香同菜的清爽, 正呀; 糖醋魚塊煮得相當出色, 糖醋唔會過酸, 味道惹人好感, 加上魚塊好靚, 粉少肉嫩, 魚肉唔會好實又唔會有雪種味, 勁好味!總括黎講食物質素算係中上, 環保就光猛, 地方算細不過唔算逼, 服務一般啦, d伙計比人感覺係唔係好想食咁囉, 價錢相宜, 食左咁多野埋單連加一先至係二百多少少, 抵食! 師大又試到一間得上海食店,