影片
更多
2019-09-20
108 瀏覽
是日要去荃灣果邊做野，就搵定間好野同女友共進晚餐，隨便搵搵openrice見到呢間好似不錯，就book左。呢間餐廳以貓做主題，雖然冇真貓，但牆上面掛滿哂貓既藝術畫同相，充滿格調。我地一人點一個餐，佢有dinner set menu，包沙律包湯包野飲仲有甜品，一站式服務！我地揀左牛板胛。另外仲有個special menu，有其他客係度就唔方便影啦，有個牛油果漢堡拼軟殼蟹大啡菇，淨係個名都長到爆，一定好豐富！就揀佢。間餐廳好貼心，會問你係咪share食，如share食既話佢會前後上菜，咁就唔會凍哂！正！先黎餐湯同包，湯係蕃茄湯，勁足料；兩隻包都好鬆軟，秒速食哂！呢杯係Mocha，要加15蚊，唔錯。呢杯係Virgin Mary，都係15蚊，女友話好開胃又解滯。上主菜！一見到我地都呆左，成三塊肉！份量驚人，加分！叫左7成熟，岩岩好，皮脆肉汁多，基本上可以連汁都唔使點已經勁好食。食到差唔多食哂，另一主菜就跟住上，好貼心。呢個好搞笑，個軟殼蟹原隻炸完放上碟，下面有舊大啡菇，呢個組合我第一次食，估唔到係咁正。個漢堡又係大份到喊出黎，咬落去肉汁必出黎，同岩岩既牛胛口感唔同，但肉味一樣咁濃。薯角炸得香口
呢間餐廳以貓做主題，雖然冇真貓，但牆上面掛滿哂貓既藝術畫同相，充滿格調。
我地一人點一個餐，佢有dinner set menu，包沙律包湯包野飲仲有甜品，一站式服務！我地揀左牛板胛。
另外仲有個special menu，有其他客係度就唔方便影啦，有個牛油果漢堡拼軟殼蟹大啡菇，淨係個名都長到爆，一定好豐富！就揀佢。
間餐廳好貼心，會問你係咪share食，如share食既話佢會前後上菜，咁就唔會凍哂！正！
先黎餐湯同包，湯係蕃茄湯，勁足料；兩隻包都好鬆軟，秒速食哂！
呢杯係Mocha，要加15蚊，唔錯。
呢杯係Virgin Mary，都係15蚊，女友話好開胃又解滯。
上主菜！一見到我地都呆左，成三塊肉！份量驚人，加分！
叫左7成熟，岩岩好，皮脆肉汁多，基本上可以連汁都唔使點已經勁好食。
食到差唔多食哂，另一主菜就跟住上，好貼心。
呢個好搞笑，個軟殼蟹原隻炸完放上碟，下面有舊大啡菇，呢個組合我第一次食，估唔到係咁正。
個漢堡又係大份到喊出黎，咬落去肉汁必出黎，同岩岩既牛胛口感唔同，但肉味一樣咁濃。薯角炸得香口，調味出色。
咁鬼大份，真係食到我地飽到頂唔順。不過未完，仲有個蛋糕仔做甜品！係士多啤梨蛋糕，由於真係食到好飽，我就真係食唔哂，不過女友有個甜品胃，清哂！哈！
總括餐廳係出色既，坐位舒服，野食又大份好食，值得推薦。
張貼
