影片
更多
2021-09-26
38 瀏覽
同朋友去尖沙咀諾士佛臺食飯傾偈，花多眼亂唔知點揀，最後見到呢間餐廳，之前食過同一集團嘅The Pizza Pig覺得唔錯，就入去試吓其他豬豬菜式( ´(oo)ˋ ) ﾉ🦐 西班牙香辣蒜片蝦.辣肉腸.多士 $142鮮蝦大大隻肉質爽彈，份量都幾多，配辣肉腸、蒜片加上辣油非常惹味，同多士好夾。.🍝 新豬肉肉醬意粉 $148餐廳仲有Green Pig Menu，照顧埋食素嘅朋友。肉醬意粉用Omnipork搭配巴馬臣芝士碎，新豬肉食落口感好似真豬肉，意粉彈牙軟硬適中，蕃茄味清新開胃。.🐷 Suckling Pig $298份量有1/4隻乳豬，配胡椒籽汁，配菜有薯蓉、雜菌及法邊豆。乳豬外皮薄脆肉質鮮嫩，食得出無落太多調味料，肉味濃郁又唔會有豬騷味，食材優質新鮮。.🍌 Banana Bread Pudding $78 甜品試咗香蕉麵包布甸，配拖肥醬同埋雲呢拿雪糕。麵包布甸口感濕潤帶牛奶及玉桂香味，甜度適中。香蕉面有焦糖薄脆，再配埋雲呢拿雪糕，滿足！.🍹Elderflower Highball $68成份有Whisky、接骨木花糖漿、梳打、青檸汁，甜甜地好易入口。.🍹 Vodka Punch $68成
🦐 西班牙香辣蒜片蝦.辣肉腸.多士 $142
鮮蝦大大隻肉質爽彈，份量都幾多，配辣肉腸、蒜片加上辣油非常惹味，同多士好夾。
.
🍝 新豬肉肉醬意粉 $148
餐廳仲有Green Pig Menu，照顧埋食素嘅朋友。肉醬意粉用Omnipork搭配巴馬臣芝士碎，新豬肉食落口感好似真豬肉，意粉彈牙軟硬適中，蕃茄味清新開胃。
.
🐷 Suckling Pig $298
份量有1/4隻乳豬，配胡椒籽汁，配菜有薯蓉、雜菌及法邊豆。乳豬外皮薄脆肉質鮮嫩，食得出無落太多調味料，肉味濃郁又唔會有豬騷味，食材優質新鮮。
.
🍌 Banana Bread Pudding $78
甜品試咗香蕉麵包布甸，配拖肥醬同埋雲呢拿雪糕。麵包布甸口感濕潤帶牛奶及玉桂香味，甜度適中。香蕉面有焦糖薄脆，再配埋雲呢拿雪糕，滿足！
.
🍹Elderflower Highball $68
成份有Whisky、接骨木花糖漿、梳打、青檸汁，甜甜地好易入口。
.
🍹 Vodka Punch $68
成份有Vodka、橙汁、菠蘿、熱情果，飲落就係有酒味嘅Fruit Punch。
.
總括而言： 餐廳裝修走英倫風，牆上有豬豬畫及霓虹燈裝飾，氣氛輕鬆自在，可以選擇坐室內或者戶外bar枱。食物質素，環境氣氛同埋職員服務態度都好好，啱晒Happy Friday或者放工同朋友嚟chill下！
張貼
