名代宇奈備長炭燒鰻魚飯專門店 (希慎廣場) (已結業)

是日同男朋友落樓食飯，因為落住雨都無乜心情諗去邊度食，行左去hysan, 望下有咩食，見到依間新開食鰻魚飯又可以試下喎！咁就上12樓喇，我地都算早食6點零已經都有d人係度。入到去見到成間野得一個侍應？又做知客又做樓面落單收銀傳菜😱我諗大家唔好expect有咩服務。咁我地都叫左個鰻魚上（其實佢只係得唔同份量同grade既鰻魚飯）依個算係中上既，畢竟未食過唔敢叫太好。另外叫左個涷蕃茄、鰻魚冷豆腐、泡菜。鰻魚飯講明係白飯任加，男朋友叫多碗白飯，不過唔會有汁，所以最好一開始加定。冷豆腐比我想像中差，無乜汁同埋我expect佢係芝麻醬，點知係鰻魚汁，但好淡。鰻魚係ok既不過d骨都幾大條下我都要吐出黎。食食下成條人龍出現左，我地食完快快手走人。其實依間唔算話係好好食，可以等無乜人既時候黎試都ok，但唔會刻意黎排隊。