叁茶陸飯

營業中

休息中

就係中染新城呢間台式餐廳裝修幾別緻。見有午餐但唔太岩食，散叫幾味試試。台灣肉燥乾拌麵餸料非常多，肉燥舖面麵上，仲有半隻滷蛋。拌麵本身味道唔錯，麵質幾質牙，撈肉燥食一流。滷味拼盤 細拼盤份量一啲都唔少，所有材料都滷得入味，最好香食五香牛肚。但可能全部都係滷水，食食下覺得有啲過咸。 台式家鄉蛋炒飯 普普通通一個雜錦料嘅家常炒飯，幾夠鑊氣嘅。 海鹽芝士奶蓋綠茶  芝士奶蓋本身已經好好食，夠厚重芝士香濃，不錯。 全餐都幾台式，味道整體黎講不錯嘅，但有啲重口味，下次可以選擇叫啲清清地嘅小菜中和下。