木槿花韓牛專門店 (已結業)

我老婆知道我鍾意食韓牛，又想試試新地方，聽朋友介紹黎左位於中環蘇豪區的木槿花韓牛專門店大擦一番……餐館門口夠大夠清楚，一d都唔難搵！餐廳佈局光猛，空間足夠，並分開上下兩層！兩口子拍拖和三五知己聚舊都適合！我地點選了特級韓牛牛肋骨二人燒烤套餐，加埋兩杯紅酒，享受我們兩公婆二人世界！前菜夠惹味，泡菜香而微辣，最愛是冬菰小魚，而沙律菜亦夠新鮮！韓牛他他好正好正，係必食推介！至於韓牛骨雪濃湯味道啱啱好，不油不肥，仲有牛骨喺湯入面添！至於主菜牛肋骨和五花腩更加不会令人失望，特別是五花腩更選用西班牙黑毛豬，肉質嫩滑，咬落有口感。最後食埋個冷麵作為今晚完美的句號！！