121
11
9
港鐵中環站 D2 出口, 步行約8分鐘 繼續閱讀
電話號碼
25051723
營業時間
今日營業
12:00 - 23:00
星期一至日
12:00 - 23:00
付款方式
Visa Master 現金 支付寶
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
電話訂座
賞訂座積分
加一服務費
當面支付
有關獎賞計劃
食評 (161)
去完依家好多人都去打咭既大館,就搵下附近有咩食~我地向上行,見到依到食韓牛燒,又係老公至愛,所以立即入去~一坐低就有前菜3小碟,包括泡菜、芽菜仔同洋蔥~另外仲有有韓國豆腐,充滿豆香,質感有點似蜂巢豆腐,加上紅棗片,香得黎又補,好岩入秋依家呀!我地點左個2人餐👫:韓牛他他先將雞蛋、梨肉同牛肉攪混。好滑呀!加左梨肉令牛肉更甜,而且加左芝麻同麻油令牛肉他他既牛肉味更能帶出!而且佢地依度既牛夠新鮮夠靚先可以做到咁好食既他他呢~韓牛燒烤拼盤包括:- 肉眼- 是日精選部位 - 腩包肉,肚腩肉- 腿肉D牛肉雪花紋好平均,好靚呀!仲有生菜夾住食~師傅教落夠250度左右就可以開始燒,最好6成熟就食。先黎燒個腩包肉,當佢開始出油時再燒多30分鐘就反一下。Wow, 正呀!好多牛油好香呀!好香牛脂味,肉又軟,口內充滿著牛油味,好好味呀!肉眼比腩包肉既脂肪比例少d, 所以相對無咁肥,但牛肉味重d。腿肉係3個部位最軟,而且燒起未食已經聞到肉香,燒完之後仲好juicy😘燜韓牛肋骨除左牛肋骨,仲有合桃、栗子、紅棗、白蘿蔔、紅蘿蔔等等燜韓牛肋骨超甜超林,係韓國都無食到咁甜咁林咁好味👍🏻就好似加左冰糖去燜咁甜😘D蘿蔔都超甜呀!雪濃湯配珍珠白飯我係韓國漏左無飲既雪濃湯終於可以一嘗勒!白雪雪,好香濃,係牛味呀!再加埋白蘿蔔既清甜味,好好味呀!而且煲完湯既牛肉仲一d都唔硬,仲有濃濃既牛味,正呀!另外,每人加多$40就可以任飲汽水,好抵啊~最後送埋個甜品😊 繼續閱讀
(以上食評乃用戶個人意見 , 並不代表OpenRice之觀點。)
呢間係韓牛專門店, 和牛大家聽得多, 但韓牛大家可能唔知,高級既韓牛其實同三大出地既A5和牛一樣咁高質.呢間餐廳有証明店所提供既韓牛係高品質.店座位坐得舒服的,夠大張.我地點左一個餐, 一開頭先上左個最正既韓牛燒先,之後可以選擇自己煮或叫由得店員幫你煮, 首先會燒左D邊先以鎖住D肉汁.煮牛前會mark sure 個爐夠熱先, 因為要夠熱先更快可以鎖到邊鎖到肉汁.之後會拎起上斜切以令到入面既肉更易受熱去整熟佢之後切完後放入去炒熟佢就可以,味道黎講其實一食就知係高質野,因為肉味其實好濃, 明顯比一般出面食到既普通牛扒濃好多, 第2係佢同和牛唔同 反而重視係個肉味到 脂肪唔係太多,唔會話食到好多油OR 比較濟既情況, 軟硬度其實就似大約A4到既和牛個陣感覺.都係易入口 同埋爽口.之後套餐仲有2種肉但呢2種我覺得無前面個厚切牛咁好食, 呢2隻左邊個個會相對硬小小右邊個個就軟得黎肉味都重, 但比厚切既肉味弱小小.前菜會有他他, 有專業既店員幫你整好上店, 味道好味已SET好晒D味基本上客人唔洗再調味.其他前菜及生菜FOR包住D肉黎食.最後既雪濃湯幾好食, 飲得又食得, 入面都有D牛肉, 同埋D類似粉絲既陳~好香.整體黎講服務高, 質素高, 價錢合理喜歡食牛既人 推薦一試 因為平時都係食高質和牛多 應該比較少食到高質既韓牛試試新口味 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-28
1596 瀏覽
餐廳裝修格調高雅、寬敞明亮;背景播放輕柔音樂,樓底夠高,令食客感覺舒適愜意。喺咁嘅氣氛吓,食指都自然大動;今日就嚟個2人套餐【夏日限定 ─ 厚切韓牛燒烤套餐$988】。【季節限定頭盤】頭盤係韓式豆腐,豆味豐富,下面有少少芥辣汁,上面有少少乾果肉,幾有特色。【韓牛他他】生牛肉撈雞蛋汁,牛肉混有芝麻、香蔥外仲有粒粒韓國雪梨。生牛肉充滿鮮味;撈咗蛋汁好香滑,仲有芝麻、香蔥提味。韓國雪梨又甜又爽,同牛肉又幾匹配。店員開著烤爐預熱,個烤爐係石烤爐嚟,好乾淨,一啲鑊撈都冇。熱咗一陣店員仲攞個手提紅外線測溫儀測溫度,好鬼pro。我哋今日早到,客人未算多,店員就幫我哋燒。【1++韓牛燒烤】【厚切肉眼】先快煎上下兩面鎖住肉汁後,切粒再煎,好有心機。啱啱擺入口已feel到超香口油脂,咬落去油脂溢出,滿口油香,大滿足。【是日韓牛稀有部位】係【熟成後腿肉】,同肉眼比起嚟油脂無咁豐富但依然軟腍同juicy,味道幾甜,好特別。【腹脇兩側】油脂都豐富但冇乜肥位,質感勁軟腍,用筷子都可以掰開,口感一流。除咗牛肉,仲有生菜同燒烤佐料,有露荀、洋蔥、菇同粟米。露荀清香、粟米夠sweet、菇就好juicy。洋蔥我就夾埋牛肉一齊食,甜甜地又香口,更惹味。【雪濃湯配珍珠米飯】即係香濃牛骨湯飯,有牛𦟌、蘿蔔、麵條嘅湯飯。味道香濃但唔鹹,感覺係純粹牛骨精華,冇落鹽去夾硬提味,夠pure。餐廳喺中環士丹頓街,舊式唐樓住宅林立,但地舖就大多係新式酒吧或餐廳,夜晚坐滿打扮新潮光鮮嘅中外酒客;咁有特色嘅酒吧街,飽餐一頓後逛一逛感受一下都相當不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-18
1876 瀏覽
同死黨約咗friends去蘭桂坊,唔夠鐘,又遇上下雨,正當搵地方避雨之際,遇見這間韓牛專門店,就選擇了入去,諗住一邊食一邊等雨停,然後再過去蘭桂坊。一坐低,店員就火速捧上泡菜三碟。 店員向我哋推介兩個二人套餐。死黨話橫掂嚟到,食個貴啲嘅,選了食 “厚切韓牛燒炸套餐$988”。店員去準備之際,我哋留意到這家韓牛專門店一點油煙味都無,全靠這個抽油煙系統。條條抽煙囪都連結著一條很粗的氣喉管,把所有油煙味都抽出店外。頭盤係【韓牛他他】係將高級生韓牛整成免治,調了味,上面加隻生蛋黃、一些韓國雪梨肉粒和蔥花。店員會先把所有材料搞勻,然後平分俾我哋。生蛋黃將生牛肉包住,食落有好重牛肉味和麻油香味,偶爾食到些韓國雪梨,又覺又多了些清甜味,非常好吃,是很好的前菜。【韓式豆腐】好精緻。最上高嗰啲原來係紅棗,真係有啲估佢唔到。主角出場,係1++ 厚切韓牛肉眼。燒烤過程好講究。店員會先用紅外線探熱器,探測烤燼的溫度,直至溫度達至攝氏二百度才會把肉眼放上烤爐上燒。據他說,這樣才能保證將肉質鎖住。燒到兩邊轉色之後,他將肉眼用利刀切成細片,然後再勞,直至外層有些焦香。原來,正宗烤牛肉是要烤兩次的,我學到嘢了。嘩! 色香味美的1++韓牛肉眼喔!店員說,可以將牛肉點些海鹽來食,又或用菜包住來食。其實兩個食法都好好味,因為啲韓牛實在無得頂,口感和肉味都一流。【腹脅兩側肉】再來的是腹脅兩側肉,都係高級而且稀有部位。店員再次細心幫忙將牛肉烤熟。這款肉肉質較結實,肉味自然更濃。另一款就油脂多一些,食起上來就感到有豐富牛油香味。牛肉吃罷,正當回味之際,店員就把【雪濃湯】和白飯送來。湯是雪一般的白,內裡有米粉、白蘿白和好腍而且肉味濃郁的牛肉粒。湯味清清哋又帶點牛肉味,幾好飲。最後,還有泡芙做甜品,裡面是軟腍腍好香滑的忌廉,都好好食。這餐雖然唔算平,但絕對物有所值。我更學懂了正宗的烤牛技巧。去到蘭桂坊,我都有將這技巧分享給朋友們。 繼續閱讀
(以上食評乃用戶個人意見 , 並不代表OpenRice之觀點。)
難得我同朋友可以約出嚟食餐高級飯,平時都會食下放題火鍋之類嘅嘢,今次就試吓食韓式燒烤。呢間餐廳係中上環地段,隔離附近有好多酒吧之類嘅餐廳。依間就比較特別,係食韓國菜。夏日限定厚切韓牛燒烤套餐前菜多款,任加!季節限定頭盤係翠肉瓜包蛋花肉碎,味道比較清新,而且帶有少少鹹香,口感十足非常開胃。宮廷金錢展沙律沙律方面除咗有非常入味嘅金錢展之外,仲有韭菜洋蔥以及蘋果紅棗,令整個沙律清新不少。配搭起來一起吃就更加開胃了。1++韓牛燒烤:有不同醬汁厚切牛柳-超級大舊,餐廳職員都要幫手係咁燒,同埋係咁切,口感比較鬆化但係不是鬆肉粉的質感,有牛嘅香味。是日韓牛稀有部位 - 質感比較結實,牛味十足。腹脅兩側肉 - 花紋分布平均,牛味香質感不硬不見軟介乎中間。生菜及燒烤佐料可以包肉吃,非常清新而且乾淨。水冷麵兩份面質非常彈牙,裏面有其他配料增加口感,令口感又彈牙又爽口。還有生果作飯後甜點!另可加錢飲野~$988 2人套餐總結:雖然價錢唔平,但係能夠食到頂級嘅韓國牛,人生點都要試一次。 繼續閱讀
(以上食評乃用戶個人意見 , 並不代表OpenRice之觀點。)