那個ㄋㄚˋ ㄍㄜ (東寶大廈)

營業中

休息中

首先講下個店鋪名, 叫做”那個”, 呢個名實在太Funny, 試想像下, 同朋友講約食飯:” 朋友, 約你去那個食飯”, 朋友聽到一定會一頭霧水。真係約人食飯時記得話比人知”那個”就係店鋪名, 哈! 午飯時間, 入去試下, 叫左個香酥脆雞雞便當, 便當係即製的, 等炸都等左半個鐘, 黎到見到好大碗, 份量十足,  雞件剛炸出來，好香口, 脆卜卜, 雞肉嫩但唔乾, 飲杯烏龍茶, 消濟非常好; 店鋪內仲會貼心寫出本週有咩配菜, 5 種配菜全部都會放入碗內, 如有有唔喜歡食的配菜, 可以落單時同店員講唔要邊款配菜。 因為便當係即製, 需時, 要等好耐, 就連等外賣都好多人排隊, 如果去食真係要預留多D 時間先得。