華加士餐廳 (已結業)

昨日中午打電話去訂位食晚餐。距離訂位時間10分前餐廳再打比我confirm. 好有交帶。上到去只有一枱台灣客。坐低後點了個二人餐，因為個餐只可揀炸洋蔥或咖哩角，於是我諗住side order。點知個waiter同我講話可以每樣一半比我 (比個like先). 個餐都好豐富。有脆嘅小簿餅配mint yogurt，咖哩角+炸洋蔥，串燒鴛鴦雞件，咖哩牛肉，咖哩羊肉，黃飯同Garlic Naan 飲品都幾特別叫Lassi(我覺得好甜). 佢地啲咖哩一啲都唔會太辣仲好香添。唔食得辣嘅我相信都接受到。反而我覺得個黃飯就麻麻地，太乾同無乜味道(最後撈咖哩汁食). 總體都好好味，都值得一去再去。差唔多食完個waiter走埋黎問我地對佢地啲菜式口味有無意見。比我感覺到佢地好以客為尊。美中不足就係食食下有七個女人黎咗，佢地成餐飯都未停過口，嘈到拆天咁。